मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- शहरातील गांधी वार्ड येथील रहिवाशी असलेले यश रवि नागापुरे वय १३ वर्ष पार्थ ऋषभ गायकवाड़ वय ११ वर्ष या संस्कारी मुलांचे कौतुक करावे तेवढे कमीच. ही दोन्ही मुले घराजवळील रस्त्यावर खेळत असताना त्यांना एंड्रॉयड मोबाइल सापडला. या दोन्ही मुलानी किंचित विचार न करता व न घाबरता हिंगणघाट पोलिस स्टेशन गाठले व तेथील पोलिस अधिकाऱ्याकड़े हा मोबाइल सुपुर्द केला.
दोन चिमुकली मुल रस्त्यावर सापडलेला मोबाईल फोन घेऊन थेट पोलीस स्टेशन मध्ये आल्याने पोलीस स्टेशन मध्ये उपस्थित असलेल्या कर्मचाऱ्यांना सुखद धक्का बसला. त्यानंतर पोलिसांनी मोबाईल फोन धारकाचा शोध घेत तो मोबाइल धारकाकड़े मोबाइल परत केला. परत एक प्रामाणिक पणाचे उदाहरण समोर आले.
अत्यंत साधारण कुटुंबातील असणारा यश नागापुरे याचे वडिलांचे दोन वर्षापूर्वी निधन झाले. तर आई नीलिमा हीच कुटुंबाची जबाबदारी पार पाडत आहे. पोलिसांनी लगेच यश चे आईला फोन करून कौतुक केले. तसेच पोलिसांची भीती न बाळगता तडक पोलीस ठाण्यात जाऊन मोबाईल फोन जमा करण्याची तात्परता दाखवली. याबद्दल पोलीस अधिकारी व कर्मचाऱ्यांनी या दोन्ही लहानग्यांचे कौतुक केले.
