प्रविण जगताप, वर्धा उपजिल्हा प्रतिनिधी
मोबा. 9284981757
महाराष्ट्र संदेश न्युज ! ऑनलाईन वर्धा:- जिल्हातील सिंदी (रेल्वे) येथून एक खळबळजनक माहिती समोर आली आहे. येथे एक मुलगा एक महिन्यांपासून येथील केसरीमल नगर विद्यालयात शिकणाऱ्या विद्यार्थिनीची छेड काढत अश्लील चाळे करणाऱ्या आरोपीला संतप्त पालक तसेच नागरिकांनी अंगावरील कपडे फाटेपर्यंत चांगलाच चाप दिला. त्यानंतर आरोपीची शहरात धिंड काढत पालकांनी पोलिसांच्या स्वाधीन केले. या घटनेचा व्हिडीओ सोशल मीडियावर व्हायरल झाला आहे. प्रीतम सहारे वय 32 वर्ष असे आरोपीचे नाव असून पळसगाव रोड बेगरवस्ती सिंदी (रेल्वे) येथे मागील सात वर्षांपासून राहत असल्याचे सांगितले जाते. याप्रकरणी पोलिसांनी गुन्हा नोंद केला असून जखमी आरोपीला वर्धेच्या इस्पितळात दाखल केले आहे.
प्राप्त माहितीनुसार येथील केसरीमल नगर विद्यालयाच्या बाजूला असलेल्या माता मंदिरा जवळ मागील एक महिन्यांपासून आरोपी प्रीतम सहारे हा सकाळी 6 ते 7.30 वाजताच्या सुमारास रोज शाळेत येणाऱ्या जाणाऱ्या अल्पवयीन विद्यार्थिनीची छेड काढत त्यांना अश्लील चाळे करून पळ काढायचा. याबाबत या विद्यार्थिनींनी शाळेच्या शिक्षकांना तसेच घरी आपल्या पालकांना ही बाब सांगितली. या घटनेचे गांभीर्य लक्षात घेता शाळेचे मुख्याध्यापक विलास येखंडे, शाळेचे शिक्षक तसेच पालक 27 डिसेंबर रोजी सिंदी पोलिसात फिर्याद देण्यासाठी गेले. परंतु, कर्त्याव्यवर असलेले पोलिसांनी फिर्याद दाखल करून घेतली नाही.
सिंदी पोलिसांच्या कार्यप्रणालीवर प्रश्नचिन्ह: 27 डिसेंबर रोजी सकाळी आरोपी प्रीतम सहारे याने रस्त्यात मुलीला आडवा होऊन छेड काढली. याप्रकरणी मुलींच्या पालकांनी व शिक्षकांनी सिंदी पोलिसात तक्रार देण्यासाठी गेले. मात्र, पोलिसांनी तक्रार दाखल केली नाही. शिवाय, त्या घटनेची साधी चौकशी सुद्धा केली नाही. आम्ही पोलिसांची गाडी पाठवून शाळेच्या परिसरात पेट्रोलिंग करतो, असे पोलिस शिपाई प्रशांत श्रीवास्तव यांनी पालकांना सांगून परत केले. मात्र, कोणताही पोलिस पेट्रोलिंगसाठी आला नसल्याचे
केसरीमल नगर विद्यालयाचे शिक्षक अमोल गवळी व पालक गजानन घोडे यांनी बोलतांना सांगितले. मागील एक महिन्यापासून आरोपी मुलींची छेड काढत होता. त्यामुळे मुलींमध्ये भीतीचे वातावरण पसरले होते. पोलिसांनी घटनेची दखल घेतली नसल्याने सरतेशेवटी पालकानांच कायदा हातात घेत आरोपीला पकडून पोलिसांच्या स्वाधीन करावे लागल्याने स्थानिक पोलिसांच्या कार्यप्रणालीवर प्रश्नचिन्ह निर्माण होत असल्याच्या प्रतिक्रिया सप्त पालकांकडून बोलल्या जात आहे.
