वस्तीगृहातील विद्यार्थ्यांची ठेकेदारास बदलण्याची मागणी
युवराज मेश्राम, विदर्भ ब्युरो चीफ
महाराष्ट्र संदेश न्यूज ! ऑनलाईन सावनेर:- येथे शासकीय आदिवासी मुला मुलींचे वस्तीगृहात ठेकेदाराच्या माध्यमातून नित्कृष्ट प्रकारचे जेवण मिळत असल्यामुळे तसेच फळे मिळत नसल्याने विद्यार्थ्यांचे आरोग्य धोक्यात आले आहे. शासकीय आदिवासी वस्तीगृहातील विद्यार्थ्यांसोबत हा प्रकार मागील अनेक दिवसाचा सुरू आहे. त्यामुळे या विद्यार्थांनी आंदोलनाचे हत्यार उपसले आहे.
शासकीय आदिवासी वस्तीगृहामध्ये मुलांच्या वस्तीगृहामध्ये एकूण 41 व मुलींच्या वसतिगृहा मध्ये एकूण 35 विद्यार्थ्यांनी आपआपल्या वस्तीगृहासमोर दि.28 डिसेंबरला वस्तीगृहाला लॉक लावून अन्न त्याग करीत गेट समोर ठीय्या मांडत आंदोलन केले. यावेळी ठेकेदाराला बदलविण्यात यावे. मुलींच्या वस्तीगृहात महिला सफाई कामगारच पाहिजे अशा मागण्या साठी हे आंदोलन केले.
विद्यार्थांनी आंदोलन सुरू केल्याचा प्रकार माहित होताच तालुक्यातील सामाजिक कार्यकर्ते रामरावजी मोवाडे, राजू घुगल, रत्नाकर ठाकरे, पिंटू सातपुते, प्रशांत मडावी व प्रकाश निंबाळकर हे आंदोलनस्थळी पोहोचले त्यांनी विद्यार्थ्यांच्या समस्या समजून घेतल्यानंतर पत्रकार युवराज मेश्राम, किशोर ढुंडूले, दीपक कटारे व अनिल अडकिने यांना बोलावून घडलेला प्रकार सांगितला.
यावेळी सहाय्यक प्रकल्प शिक्षण अधिकारी सम्राट हिरालाल माटे नागपूर हे वसतीगृहात पोहोचले असता त्यांना हा घडलेला प्रकार आढळला. त्यांनी विद्यार्थ्यांच्या समस्या समजून घेतल्या व दुसरा ठेकेदार बदलुन देण्याचे सांगितले.