महाराष्ट्र संदेश न्युज ! ऑनलाईन परभणी:- येथून एक खळबळजनक घटना समोर आली आहे. येथे एका नराधम पतीने शुल्लक कारणावरून आपल्याच पत्नीला विषारी द्रव्य पाजून हत्या करण्याचा प्रयत्न करण्यात आल्याचा घटनेने संपूर्ण परभणी जिल्हा हादरला आहे.
पती पत्नीच नात्यात प्रेम राग वाद होतच असतात पण एका नराधम पतीने आपल्याच पत्नीची रागाच्या भरात आपल्या विषारी द्रव्य पाजून हत्या करण्याचा प्रयत्न केला. याला निमित्त होत फक्त “तुम्ही कामावर का गेला नाही” असा प्रश्न पत्नीने पतीला केला, त्यानंतर रागाच्या भरात पतीने हे खळबळजनक पाऊल उचललं. या घटनेनंतर पतीविरोधात नानलपेठ पोलीस स्टेशन येथे हत्येचा प्रयत्न करण्याचा गुन्हा दाखल करण्यात आला आहे.
फिर्यादी शीतल नारायण पवार यांचं लग्न 2012 मध्ये नेहरूनगर भागातील नारायण उत्तम पवार यांच्यासोबत झालं होते. या दाम्पत्याला एक मुलगा आणि एक मुलगी आहे. बुधवारी संध्याकाळी नारायण पवार संध्याकाळी 5 वाजता घरी येताच तुम्ही कामावर का गेला नाही असा सवाल त्यांच्या बायकोने म्हणजे शीतल नारायण पवार यांनी केला. यानंतर नारायण याना राग आला आणि रागाच्या भरात त्यांनी बायकोला शिवीगाळ केली. बोलत बोलत वाद इतका टोकाला गेला कि तुला आता जिवंतच ठेवत नाही म्हणत नारायण पवार यांनी बायकोला विषारी द्रव पाजले. शीतल यांनी आरडाओरडा केल्यानंतर त्यांची सासू, नणंद आणि इतर आसपासच्या लोकांनी त्यांना नवर्याच्या तावडीतून सोडवलं.
यावेळी शीतल नारायण पवार यांच्या पोटात विषारी द्रव गेल्यानंतर त्यांना चक्कर येऊ लागली. यानंतर त्यांना तातडीने रुग्णालयात दाखल करण्यात आले. आता त्यांची प्रकृती स्थिर असून कोणताही धोका नाही. या सर्व घटनेनंतर शीतल पवार यांनी पती नारायण पवार यांच्या विरोधात पोलीसात तक्रार दाखल केली. पोलिसांनी नारायण पवार याच्यावर गुन्हा दाखल केला असून पुढील तपास सुरु आहे.
