नारायण सेवा मित्र परिवारास सुपूर्द केली धनराशी.
मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- जीवन नश्वर असल्याने जीव अनंतात विलीन होऊन फक्त स्मृतीशेष राहतात. कुटुंबीय लोककल्याणार्थ कार्यात सहभागी होऊन आप्तेष्टांच्या स्मृती आठवणी जिवंत ठेवता असेच 2016 साली वयाच्या 26 व्या वर्षी कुटुंबातील तरुण मुलगा रितेश बुटोलिया याचे अकाली निधन झाले. त्याच्या स्मृती सदैव स्मरणात राहाव्यात. याकरिता बुटोलीया कुटुंबीयांच्या वतीने स्वर्गीय रितेश बुटोलिया यांच्या स्मृति निमित्त स्थानिक नारायण सेवा मित्रपरिवार यांच्या सहकार्याने गोरगरीब व गरजूंच्या नातेवाईकांच्या अंत्यसंस्कारा साठी आवश्यक सामग्री विनामूल्य उपलब्ध करून देण्याच्या लोक कल्याणकारी कार्यास अकरा हजार रुपयांची धनराशी देऊन हातभार लावला आहे.
नारायण सेवा मित्र परिवार गोरगरिब, निराधार व पशुपक्षांकरीता वेगवेगळ्या माध्यमातून सेवा देत आहे. त्यांच्या या कार्यात बुटोलिया परिवाराने सहकार्य केल्याबद्दल नारायण सेवा मित्र परिवाराने आभार व्यक्त केले आहे. बुटोलिया परिवाराचे हे सेवाभावी कार्य समाजाकरीता आदर्शवत ठरले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348