मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन अहेरी:- तालुक्यातील कोडसेगुडम येथील पल्लवीच्या वडील लहानपणीच मयत झाल्याने वडिलाचे छत्र हरपले आणि आईसमोर आपल्या दोन मुलांचा सांभाळ करण्याचा मोठा प्रश्न उभा ठाकला आणि आई आपल्या मुलाबाळांसह पल्लवीच्या मामाच्या म्हणजे आपल्या भावाच्या गावाला म्हणजेच कमलापूर जवळील कोलसेलगुडेम येथे भावाकडे राहून मिळेल ते मजुरीचे काम करून आपल्या मुलांचा उदरनिर्वाह करीत आहे.
पल्लवी ही इयत्ता ५ वीत कमलापूर येथे शिक्षण घेते आणि दररोज कोलसेलगुडेम ते कमलापूर असा ३ ते ४ किलोमिटरचा पायदळ प्रवास करते. तिच्याकडे सायकल असावी अशी तिची ईच्छा होती आणि आपल्या वडिलांना ही तिने आपली इच्छा बोलून दाखविली मात्र सायकलची इच्छा पूर्ण करण्याआधीच पल्लवीचे वडील जग सोडून गेले आणि आईने घेऊन द्यावी अशी आर्थिक परिस्थिती नाही.
तिला कोणत्याच योजनेतुन सायकल मिळाली नव्हती. तिला शिक्षणासाठी सायकल हवी आहे ही बाब आम्हाला माहित झालं आणि पल्लवीसाठी नवीन सायकल घेण्यासाठी हेल्पिंग हँड्स च्या कार्यकर्त्यांनी प्रयत्न सुरू केले व या प्रयत्नांना एटापल्ली येथील प्रतिष्ठित नागरिक श्री प्रशांत तेलकुंटलवार यांनीं २००० रपये पुणे येथील पोलीस उपनिरीक्षक शिवाजी ननवरे यांनी १,००० रूपये व अहेरी येथील बिकानेर स्विट्सचे संचालक करणसिंग राजपुरोहित यांनी ११०० रूपये अशी आर्थिक मदत केली.
काल नववर्षाच्या दिवशी पल्लवीच्या हाती नवी कोरी सायकल सुपूर्द करण्यात आली. अक्षरशः पल्लवी च्या डोळ्यातून आनंदाश्रू कोसळले. पल्लवीने सर्वाचे आभार मानले आणि सर्व दात्यांचे धन्यवाद मानले.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348
