देवेंद्र सिरसाट, हिंगणा तालुका नागपूर प्रतिनिधी
महाराष्ट्र संदेश न्युज ! ऑनलाईन नागपुर:- दिनांक 03 जानेवारी 2024 रोजी लोक कल्याण योजना नागपूर यांच्या वतीने ब्लेसिंग लाॅन /हाॅल, सिव्हिल लाईन्स,स्टेट बँकेच्या जवळ नागपूर येथे सावित्रीबाई फुले यांची जयंती साजरी करण्यात आली. यावेळी सामाजिक कार्यकर्त्या अनिता फुले यांच्या सह सामाजिक क्षेत्रात काम करणाऱ्या महिलांचा मान्यवरांच्या हस्ते सत्कार करण्यात आला.
या कार्यक्रमाच्या प्रमुख अतिथी तथा उद्घाटक माजी नगरसेविका डॉ. प्ररिणीती फुके तर अध्यक्ष म्हणून ख्रिश्चन सर्विस एजेन्सी चे सेक्रेटरी डॉ. असिर एबनेझर, मिनिस्टर ऑफ एमएसएमई भारत सरकार चे डाॅ.पालीवाल, पश्चिम नागपूर संजय गांधी निवाराचे अध्यक्ष घनश्याम चौधरी, करुणा कनोजिया, राजेश जाधव व संजय वानखेडे इत्यादी मान्यवरांच्या उपस्थितीत क्रांतीज्योती सावित्रीबाई फुले यांची 193 वी जयंती साजरी करण्यात आली.
यावेळी सामाजिक क्षेत्रात उत्कृष्ट काम करणाऱ्या अनिता फुले यांचा यावेळी सत्कार करण्यात आला, सत्काराला उत्तर देताना श्रीमती फुले म्हणाल्या की आपण माझा सत्कार केला म्हणून माझं काम झालं असं नाही तर या सत्कारामुळे माझी जबाबदारी अजून वाढली असून मी माझं काम निरंतर चालू ठेवणार असुन आपण माझा सत्कार केला त्याबद्दल आपले आभार असेही यावेळी फुले म्हणाल्या.या कार्यक्रमाला मोठ्या संख्येने महिलांनी हजेरी लावली होती.
