विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन एटापल्ली:- महाराष्ट्र राज्य शालेय पोषण आहार आहार कर्मचारी यूनियन एटापल्ली (आयटक) महाराष्ट्र राज्य शालेय पोषण आहार कर्मचारी युनियन एटापल्ली तर्फे दिनांक 20 जानेवारीला तालुका मेळावा आयोजित करण्यात आला होता.
एटापल्ली शहरातील समूह निवासी शाळा येथे या मिळाव्याचे आयोजन करण्यात आले होते. यावेळी युनियनचे राज्य महासचिव कॉ.विनोद झोडगे यांच्या अध्यक्षतेखाली हा मिळावा संपन्न झाला. या मेळाव्यात युनियनचे राज्य कार्यकारिणी सदस्य व तालुका अध्यक्ष कॉ. सचिन मोतकुरवार, ता.सचिव कॉ. जुबेदा शेख, कॉ. शरीफ शेख ता. सहसचिव, कॉ. विशाल पूजजलवार, कॉ.छाया जेट्टी ग्रामपंचायत सदस्य पुरसलगोंदि, कॉ. आकाश तेलकूंटलवार, कॉ. गणेश चापले तसेच युनियनचे इतर पदाधिकारी आणि सदस्य उपस्थित होते. या मेळाव्यात युनियनच्या वतीने खालील विषयांवर चर्चा करण्यात आली.
शालेय पोषण आहार योजनेतील कामगारांच्या हक्कांसाठी युनियनचे प्रयत्न. कामगारांच्या वेतनवाढ आणि इतर मागण्या शालेय पोषण आहार योजनेतील समस्या आणि त्यांचे निराकरण या विषयांवर बोलताना युनियनच्या पदाधिकारी आणि सदस्यांनी सरकारकडे कामगारांच्या हक्कांसाठी पाठपुरावा करण्याची मागणी केली. त्यांनी कामगारांना योग्य वेतन, भविष्य निर्वाह निधी, रजा, तसेच इतर सुविधा मिळाव्यात यासाठी युनियन प्रयत्नशील असल्याचे जाहीर केले.
या मेळाव्यात कामगारांना युनियनच्या वतीने शालेय पोषण आहार योजनेतील कामगारांच्या हक्कांबाबत माहिती देण्यात आली. त्यांना युनियनच्या संघटनेचा लाभ घेण्यासाठी प्रोत्साहित करण्यात आले. या मेळाव्यात कामगारांनी युनियनच्या कार्यात सहभागी होण्याचे वचन दिले. त्यांनी युनियनच्या माध्यमातून आपल्या हक्कांसाठी लढण्याचा निर्धार केला.
