महाराष्ट्र संदेश न्युज ! ऑनलाईन उत्तरप्रदेश:- राज्यातून एक दुर्दैवी खळबळजनक घटना समोर आली आहे. येथील हसनपूर कोतवाली परिसरातील हातियाखेडा येथे 5 वर्षाच्या मुलीचा हृदयविकाराचा धक्काने दुर्दैवी मृत्यू झाला. कामिनी रगवंशी असे या मुलीचे नाव आहे. मुलीच्या मृत्यूने कुटुंबावर दुःखाचा डोंगर कोसळले आहे.
हसनपूर कोतवाली परिसरातील हातियाखेडा येथे 5 वर्षांची कामिनी ही आपल्या आईसोबत मोबाईलवर कार्टून पाहत होती. अचानक तिच्या हातातून मोबाईल निसटला आणि जमिनीवर पडला. आईनं कामिनीला पाहिले तोपर्यंत कामिनीचा मृत्यू झाला होता. यावेळी घाबरलेल्या कुटुंबाने मुलीला गावातील डॉक्टरांकडे नेले, तेथे मुलीला मृत घोषित करण्यात आले. मृत्यूचे कारण हृदयविकाराचा झटका असल्याचे मानले जात आहे.
शुक्रवारी रात्री 9 वाजताच्या दरम्यान महेश रगवंशी यांची 5 वर्षांची मुलगी कामिनी अंथरुणात बसली होती. ती आई सोनिया सोबत मोबाईलवर कार्टून पाहत होती. अचानक कामिनीच्या हातातून मोबाईल निसटला आणि ती खाली पडली. आधी आईला वाटलं ती मुद्दामाहून असं करत असेल. पण जेव्हा तिला हलवलं तेव्हा तिने काहीच प्रतिक्रिया दिली नाही. त्यामुळे आई घाबरली. ती जोरजोरात ओरडू लागली तेव्हा कुटुंबीय आणि आसपासचे लोक तिथे जमले. त्यांनी तातडीने कामिनीला गावातील डॉक्टरांना दाखवण्यास नेले यावेळी डॉक्टरनी तपासणी केली असता डॉक्टरांनी या मुलीला मृत घोषित केले.
या घटनेनंतर मुलीच्या कुटुंबीयांमध्ये शोककळा पसरली आहे. मृत्यूचे कारण हृदयविकाराचा झटका असल्याचे मानले जात आहे. शनिवारी सकाळी कुटुंबीयांनी तिच्या मृतदेहावर अंत्यसंस्कार केले. कामिनी ही तिच्या आई-वडिलांची एकुलती एक मुलगी होती. तिचा पाचवा वाढदिवस ३० जानेवारीला साजरा होणार होता. या घटनेवर आई म्हणाली की, मुलगी बेडवर बसून मोबाईलवर कार्टून पाहत होती. अचानक तिझ्या हातातून मोबाईल निसटला. वयाच्या अवघ्या 5 व्या वर्षी झालेल्या आकस्मिक निधनाने सर्वांनाच धक्का बसला आहे. मुलगी पूर्णपणे निरोगी आहे. शुक्रवारी सायंकाळी उशिरापर्यंत खेळल्यानंतर तिने जेवण केले असं आईनं म्हटलं.
