मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन सिरोच्या:- मागील काही दिवसापासून माजी राज्यमंत्री तथा माजी पालकमंत्री राजे अम्ब्रीशराव आत्राम हे मैदानात उतरल्याने विविध पक्षातील शेकडो पदाधिकारी व कार्यकर्ते राजेंच्या युवा नेतृत्वावर विश्वास करत भाजपा पक्षात जाहीर प्रवेश घेत आहेत.
माजी पालकमंत्री राजे अम्ब्रीशराव आत्राम तेलंगणाच्या मेडाराम दौऱ्यावर आले असताना, सिरोंचा तालुक्यात तळ ठोकून बसले होते. त्यांनी भाजप कार्यकर्त्यांची बैठक घेऊन विविध कार्यक्रमात उपस्थिती दर्शविली. यावेळी स्थानिक सिरोंचातील विविध प्रभागातील अनेक युवकांनी त्यांच्या युवा नेतृत्वावर विश्वास ठेऊन भाजपात जाहीर प्रवेश केला आहे. यावेळी राजे अम्ब्रीशराव आत्राम यांनी पक्षाचा दुपट्टा गळ्यात टाकत व पुष्गुच्छ देत सर्वांचे स्वागत केले.
विशेष म्हणजे तरुण वर्ग मोठ्या प्रमाणात त्यांच्या कडे आकर्षित होत आहे माजी पालकमंत्री राजे अम्ब्रीशराव आत्राम यांचा शांत संयमी स्वभाव, विकासात्मक दूरदृष्टी,आणि कार्यकर्त्यांनी प्रती असलेला जिव्हाळा हे त्यांच्या आकर्षनाचे केंद्र बिंदू ठरत आहे. यावेळी सिरोच्या तालुक्यातील भारतीय जनता पक्षाचे पदाधिकारी, कार्यकर्ते मोठ्या संख्येने उपस्थित होते.
