दानशूर माजी पालकमंत्री राजे अम्ब्रिशराव आत्राम पुन्हा एकदा गरजुला केली आर्थिक मदत!
मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- तेलंगणा राज्यातील मुलगू जिल्ह्यातील ताडवाई तालुक्यात मेडाराम समक्का सारक्का मातेच्या जत्रेला जाऊन परत येताना रमेश कोडापे नावाच्या युवकाचा दोन चाकी वाहनावरून नियंत्रण सुटल्याने अपघात होऊन गंभीर दुखापत झाले. त्याच्यावर अहेरी येथे उपजिल्हा रुग्णालयात प्राथमिक उपचार केले परंतु जबर दुखापत झाल्यामुळे डॉक्टरांनी चंद्रपूर हलविण्यासाठी सांगितले. त्यामुळे त्यांचे कुटुंब चिंतेत होते.
रमेश कोडापे त्यांची घरची परिस्थिती हलाखीची असल्यामुळे खर्च झेपत नसल्याने मुळे कोडापे कुटुंब चिंतेत होते. ही गोष्ट आपल्या कार्यकर्त्यांद्वारे माजी पालकमंत्री राजे अम्ब्रिशराव आत्राम यांना समजताच भाजपा युवा मोर्चाचे कार्यकर्ते सूचित कोडेलवार यांच्या मार्फ़त तात्काळ 10 हजार रुपये आर्थिक मदत पाठवुन राजे फौंडेशनचे अँम्बुलन्सने मोफत चंद्रपूर पुढील उपचारासाठी पाठविले. आपण कोडापे कुटुंबाला सर्वतोपरी पुन्हा सहकार्य करणार असे आश्वासन दिले. यावेळी भाजपचे कार्यकर्ते व कोडापे कुटुंबातील सदस्य उपस्थित होते.
