रविंद्र भदर्गे, जालना जिल्हा प्रतिनिधी
महाराष्ट्र संदेश न्युज ! ऑनलाईन मंठा:- तालुक्यातील ब्राम्हणाथ तांडा व तळतोंडी येथील शिवसेना शाखांचे भव्यदिव्य उद्घाटन उदयसिंह बोराडे यांच्या प्रमुख उपस्थितीत दि.३ रविवार रोजी पार पडले. यावेळी शेकडोच्या संख्येने शिवसैनिक आणि गावकरी उपस्थित होते.
राज्याचे मुख्यमंत्री एकनाथ शिंदे यांच्या प्रमुख नेतृत्वात राज्यातील सरकार अतीशय वेगाने प्रगती करत आहे, समाजातील प्रत्येक घटकाला न्याय देण्याचं काम मुख्यमंत्री शिंदे महायुतीतील घटक पक्षांना सोबत घेऊन करत आहेत. आपण सर्वांनी आता शिवसेनेला ताकद देण्याची गरज आहे शिवसेनेच्या पाठीशी उभे राहण्याची गरज आहे. येणाऱ्या काळात शिवसेनेच्या प्रत्येक पदाधिकाऱ्याने संघटना मजबूत करण्यासाठी तालुक्यातील प्रत्येक गावात शिवसेनेचा झंझावात निर्माण करावा असे प्रतिपादन बोराडे यांनी याप्रसंगी केले.
यावेळी ब्रम्हनाथ तांडा येथील शाखेचे अध्यक्ष निवास राठोड यांची निवड करण्यात आली व तळतोंडी शाखाध्यक्षपदी परमेश्वर वरकड यांची निवड करण्यात आली. यावेळी उपस्थित शिवसेना तालुका प्रमुख उदयसिंह बोराडे, उपतालुका प्रमुख विलासराव राठोड, उपतालुका प्रमुख रामराव वरकड, दिलीपराव हिवाळे, चांद भाई पठाण, दत्तात्रय बोराडे, अमोल विरकर, लिंबाजीराव बोराडे, महादेवराव उकंडे, विनोदराव प्रधान, विवेकराव भुतेकर, सुनील गुंड, कृष्णा घोडे, अज्जू पठाण सह अनेक पदाधिकारी कार्यकर्ते उपस्थित होते.