मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा:- लोकसभा सार्वत्रिक निवडणुकीचा जोर वाढू लागला आहे. त्यात काल महाविकास आघाडी राष्ट्रवादी काँग्रेस शरद पवार पक्षातर्फे अमर काळे यांनी मोठा जनसमुदाय बरोबर रॅली काढून आपला उमेदवारांच्या अर्ज दाखल केला. आज भाजपचे उमेदवार आणि विद्यमान खासदार रामदास तडस यांनी उमेदवारी अर्ज दाखल केला.
वर्धा लोकसभा मतदारसंघ हा भाजपा कडे आहे. विद्यमान खासदार रामदास तडस यांना परत भाजपाने तिकीट दिले आहे. पण भारतीय जनता पार्टी व शिवसेना एकनाथ शिंदे गटात काही आलबेल नसल्याचे चित्र दिसून येत आहे. कारण हिंगणघाट विधानसभा मतदारसंघ संघाचे विद्यमान आमदार आमदार आणि माजी आमदार आणि रामदास तडस याच्या उमेदवारी अर्ज दाखल करण्यासाठी तयार केलेल्या जाहिरातीवर वरून तरी हे लक्षात येते.
निवडणूक अर्ज दाखल करताना मोठ्या प्रमाणात शक्ती प्रदर्शन करण्यात येत असताना इव्हेंट प्रिय भाजप यात आघाडीवर राहण्याचे नेहमीचे चित्र दिसून येते मात्र वर्धेत रामदास तडस याच्या उमेदवारी अर्ज दाखल करताना हे चित्र दिसलें नाही. फक्त हजारभर लोकं, कार्यकर्ते, पदाधिकारी, नेते मिळून दिसलेली उपस्थिती संपूर्ण वर्धा जिल्हात चर्चेचा विषय ठरत आहे.
रामदास तडस यांच्या उमेदवारी अर्ज दाखल करताना रॅलीत देवेंद्र फडणवीस सहभागी होणार असल्याचे जाहीर करण्यात आले होते. मात्र वेळेवर त्यांनी सहभाग टाळला, असे ऐकायला मिळाले. त्यामुळे उमेदवार रामदास तडस हेच स्टार ठरले. तर प्रचारक म्हणून आमदार डॉ. पंकज भोयर, समीर कुणावार, दादाराव केचे, रामदास आंबटकर, डॉ. अनिल बोन्डे, प्रताप अडसड, सुनील गफाट, राजेश बकाने हे उपस्थित राहिले. रॅली निघाली तेव्हा आमदार कुणावार हे रस्त्यालगत उभ्या लोकांना चला, चला, करीत विनवणी करीत असल्याची बाब पण हसत हसत चर्चित झाली.
याचे प्रमुख कारण म्हणजे याच स्थळावरून काल मंगळवारी शरद पवार यांच्या उपस्थितीत अमर काळे यांची रॅली निघाली होती. त्यात सहभागी लोकं, दिसणारा उत्साह, नारेबाजी यामुळे शहरात ही रॅली चर्चेचा विषय झाली होती. त्याचीच तुलना आज या परिसरातील नागरिक करीत होते. आज मजा नही आया, असे स्वर उमटले. हे असे का घडले, या प्रश्नावर बोलतांना भाजपचे लोकसभा क्षेत्र प्रचारप्रमुख सुमित वानखेडे म्हणाले की आमचे एवढेच नियोजन ठरले होते. शक्ती प्रदर्शन प्रकार नव्हता. पुढे आमचे मल्टीपल इव्हेंट आहेतच. आणि मुख्य म्हणजे आम्ही ही लढाई बूथ पातळीवर लढणार आहोत. गर्दी, मोठ्या सभा असे काही प्रकार नाहीत असा खुलासा त्यांनी केला. भाजपचे हे असे प्रचारतंत्र असले तरी सर्व सामान्य जनतेने मात्र रॅली फसली, असाच चर्चेचा सूर काढल्याचे पाहायला मिळाले.
