अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- तालुक्यातील अल्लीपुर पोलिस ठाण्याच्या हद्दीतील वर्धा नदिच्या कापसी घाटावर १० मे ला वाळूची अवैध वाहतूक करणाऱ्या ट्रॅक क्रमांक एम एच ३४ ए.एच ७२१७ सह ५ लाख रुपये किंमतीची मुद्देमाल जप्त करण्यात आला.
पोलिसांकडून मिळालेल्या माहितीनुसार अल्लीपुर पोलिसांना वर्धा नदीच्या कापसी घाटावर अवैध वाळूची वाहतूक करीत असल्याची गुप्त माहिती मिळाली. पोलिसांनी या ठिकाणी जाऊन पाहणी केली असता एक ट्रॅक्टर अवैध वाळूची वाहतूक करताना आढळून आला. परंतु पोलिसांना पाहताच ट्रॅक्टर चालक ट्रॅक्टर सोडून पसार झाला. या प्रकरणी अल्लीपुर पोलिस ठाण्यात गुन्हा नोंद करण्यात आला असून पुढील तपास ठाणेदार प्रफुल डाहुले यांच्या मार्गदर्शनात पोलीस करीत आहे.
