अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- बाहेर राज्यातील मोबाईल चोरणाऱ्या टोळीच्या हिंगणघाट पोलिसांनी स्पर्धाफास केला आहे. पोलिसांनी जोरदार कारवाई करत बाहेर राज्यातील मोबाईल चोरणारी टोळीला नागपूर येथून अटक करून त्याच्या ताब्यातून ८० हजार १०० रूपये किंमतीचा मुद्देमाल हस्तगत केला आहे.
पोलिसांकडून मिळालेल्या माहितीनुसार १८ जुन रोजी प्रदीप हिरानंद दुबानी वय 31 वर्ष रा. यशवंतनगर हिंगणघाट हे त्यांचे आईला सोडण्या करीता बसस्थानक हिंगणघाट येथे आले व आईला बस मधे बसवुन देण्याकरीता बसमधे चढले व बसच्या खाली उतरले. याच दरम्यान त्यांचे खिशातील विवो कंपनीचा एक्स 70 प्रो, मोबाईल फोन, मोबाईल खिशात दिसला नाही. खिशात असलेला मोबाईल बस मधे चढताना कोणीतरी अज्ञात इसमांने चोरून नेल्याची तक्रार त्यांनी पोलिसात दाखल केली.
त्यामुळे डि.बी. पथकाचे प्रशांत ठोंबरे, राहुल साठे, विजय काळे, शिवशंकर यादव, अमोल तिजारे, आशिष नेवारे व पथकने सायबर शाखा वर्धा येथील अनुप कावळे, निलेश कटटोजवार यांचे मदतीने नागपुर येथे जाऊन लोकमान्य मेट्रो स्टेशन, हिंगणा नागपुर येथून आरोपी शेख रियाज शेख या मुजाहिद वय 23 वर्ष रा. महाराजपुर, डाक बंगला, मोतीझरना ता. तेलझाडी जि. साहेबगंज राज्य झारखंड, शेख टिंकु शेख उमर वय 19 वर्ष रा. डाकबंगला, मोतीझरना पोस्ट महाराजपुर ता. तेलझाडी जि. साहेबगंज राज्य झारखंड, शेख मुज्जफर शेख नईम वय 19 वर्ष रा. कल्यानी मोजा, पोस्टे महाराजपुर ता. तेलझाडी जि. साहेबगंज राज्य झारखंड यांना शिताफीने ताब्यात घेण्यात आले. आरोपीं चा कसुन तपास केला असता गुन्हयातील चोरीस गेलेला व्हिवो 70 प्रो कंपनीचा मोबाईल कि.51,800 रू व आरोपी जवळील 03 मोबाईल कि. 28,300 रू असा एकुन 80,100 रू चा मुददेमाल हस्तगत करण्यात आला.
हि कारवाई जिल्हा पोलीस अधीक्षक नुरुल हसन, अप्पर पोलीस अधीक्षक डॉ. सागर कवडे, उपविभागीय पोलिस अधिकारी रोशन पंडित, ठाणेदार प्रविण मुंडे यांच्या मार्गदर्शनात डिबी पथकाने केली.
