हनिशा दुधे चंद्रपूर जिल्हा ग्रामीण प्रतिनिधि
महाराष्ट्र संदेश न्युज ! ऑनलाईन बल्लारपूर:- येथून एक खळबळजनक घटना समोर आली आहे. शहरात वस्ती विभागात एका दुकानात गोळीबारी व बॉम्ब टाकून जाळण्याचे प्रयत्न केल्याची घटना घडली असून गोळीबारात एक जण जखमी झाले. त्यामुळे परिसरात दहशत पसरली आहे. गोळीबार झाल्याने वस्ती विभागातील दुकानदारांनी आपले दुकाने बंद करून निषेध नोंदवत आरोपींना पकडण्याची मागणी केली.
वस्ती विभागातील मालू बंधूचे सर्वात जुने मोतीलाल प्रभुलाल मालू कपड्याचे दुकान असून आज सकाळी 10.30 वाजताच्या सुमारास अभिषेक मालू यांनी दुकान उघडताच काही वेळाने अज्ञात तीन इसम मोपेड वरून येऊन 3 फेऱ्या गोळीबार करीत दोन बॉम्ब फेकून दुकान जाळण्याचे प्रयत्न केले. या गोळीबारात दुकानातील नोकर कार्तिक साखरकर वय 25 वर्ष यांचा पायाला गोळी लागून तो जखमी झाला. त्याला तात्काळ उपचार्थ चंद्रपूर जिल्हा रुग्णालयात हलविण्यात आले आहे.
बल्लारपूर शहरातील प्रतिष्ठित व्यापारी असलेले अभिषेक मालू यांच्यावर मागील महिन्यात सुद्धा हल्ला करण्याचे प्रयत्न करण्यात आला होता. पण तो हल्ला फसला, आणि आरोपींनी आज त्यांच्या दुकानात हा हल्ला केला पण नशीब चांगल होते म्हणून ते थोडक्यात बचावले.
आरोपीने अभिषेक मालू यांच्या दुकानात गोळीबार करीत दोन बॉम्ब फेकून हल्ला केला. या घटनेची माहिती मिळताच घटनास्थळी नागरिकांची मोठ्या प्रमाणात गर्दी जमा झाली यावेळी पोलीस दल घटनास्थळी दाखल झाले आणि तपास सुरू केला आहे.
