राष्ट्रवादी महिला काँग्रेस शरदचंद्र पवार पक्षाचा स्वातंत्र्य दिनी उपक्रम.
प्रवीण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन हिंगणघाट:- ७८ व्या स्वातंत्र्य दिन संपूर्ण देशभरात उत्साहात साजरा करण्यात आला. याच पार्श्वभूमीवर हिंगणघाट राष्ट्रवादी महिला काँग्रेस पार्टी शरदचंद्र पवार पक्षाच्या वतीने प्रदेश सरचिटणीस अतुल वांदिले यांच्या नेतृत्त्वात तुळशी वृंदावनाचे वाटप तसेच वृक्षारोपण करण्यात आले.
भारतीय संस्कृतीमध्ये तुळशी वृंदावनाचे विशेष महत्त्व आहे. प्रत्येकाच्या घरी रोज तुळशीची पूजा केली जाते. त्यामुळे याचे महत्त्व लक्षात घेता हे तुळशी वृंदावनाचे वाटप करण्यात आले. प्रदेश सरचिटणीस अतुल वांदिले हे मतदारसंघातील विविध उपक्रम राबवत असतात. त्याच पार्श्वभूमीवर आज राष्ट्रवादी महिला काँग्रेस तर्फे तुळशी (वृदा) वृंदावनाचे वाटपाचा कार्यक्रम झाला.
आज आपल्यासाठी हा दिवस अत्यंत महत्त्वाचा आहे. आज आपण जे आयुष्य जगत आहोत, आपल्याला मिळालेले स्वातंत्र्य हे फुकटात मिळालेले नाही. त्यासाठी भारत मातेच्या हजारो, लाखो वीर जवानांनी आपल्या प्राणांचे बलिदान दिले. त्यांच्या बलिदानानंतर आज आपण हा दिवस पाहत आहोत. त्यामुळे त्यांचे स्मरण करण्याचा दिवस आहे . या प्रसंगी आपण त्यांचे बलिदानाचं मोल जाणत जीवन जगूया, असे महत्त्वाचे आवाहन देखील करण्यात आले.
यावेळी प्रदेश सरचिटणीस अतुल वांदिले यांच्या नेतृत्त्वात राष्ट्रवादी महिला समिती द्वारा तुळशी वृंदावनाचे वाटप करण्यात आले.
या कार्यक्रमाला हिंगणघाट शहर कार्याध्यक्षा सिमा तिवारी, जिल्हा उपाध्यक्ष शितल तिवारी, जिल्हा सरचिटणीस सुजाता जांभुळकर, ओबीसी शहर अध्यक्ष आचल वकील, तालुका अध्यक्ष शगुप्ता शेख, शहर उपाध्यक्ष दिपाली रंगारी, तालुका सचिव अर्चना नांदुरकर, नालंदा राऊत, मंगला कुंबरे,सुनीता तांगडगे, सविता गिरी, सुनिता गाडगे यांच्यासह महिला पदाधिकारी व सदस्य मोठया संख्येने उपस्थित होत्या.