गोंडपीपरी पोलीस घटनास्थळी दाखल इसमाचा शोध सुरू
राजेन्द्र झाडे, चंद्रपूर उपजिल्हा प्रतिनिधी
मो नं 9518368177
गोंडपीपरी:- तालुक्यातून एक दुर्दैवी घटना समोर आली आहे. तालुक्यात मेघ गर्जनेसह मुसळधार पाऊस बरसला. गावाजवळील नाले तुडूंब भरून वाहत आहेत. अश्यातच आज दि.21 सप्टेंबर रोज बुधवार ला तारसा खुर्द येथील इसम शेता लगत असलेल्या नाल्यात बैल धुन्यासाठी उत्तरला असता नाल्यात पाण्याचे प्रमाण जात असल्याने पाण्याच्या प्रवाहात वाहून गेल्याची घटना घडली आहे.
सदर शेतकऱ्यांचे नाव शांताराम गोविंद भोयर रा.तारसा खुर्द असे असून तो पाण्याच्या प्रवाहा बरोबर वाहून गेला.
याबाबतीची माहिती गोंडपीपरी पोलीस स्टेशनला देण्यात आली असता पोलीस कर्मचारी घटनास्थळी दाखल झाले गावातील काही व्यक्तीच्या मदतीने पाण्यात उतरून शोध सुरू करण्यात आला आहे. वृत्त लिहेपर्यंत इसमाचा शोध सुरूच होता. यावेळी बिट जमादार शंकर मने यासह इतर पोलीस कर्मचारी घटनास्थळी उपस्थित होते.
