मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- येथून एक खळबळजनक घटना समोर आली आहे. शहरातील शास्त्री वार्डातील उडिया वस्तीत सख्या भावानेच धारदार चाकूने वार करत भावाचा खुन केल्याने हिंगणघाट हादरले आहे.
हिंगणघाट शहरात दोन भावात वाद होऊन त्याचे पर्यावसान खुनात झाले व लहान भावाने मोठ्या भावाच्या मानेवर धारदार चाकूने सपासप वार केले यात मोठया भावाचा मृत्यू झाला. पर्वत दया निहाल वय 40 रा उडीया वस्ती शास्त्री वार्ड हिंगणघाट यांच्या मृत्यू झाला असुन आरोपी अविनाश दया निहाल वय 31 वर्ष असे आरोपीचे नाव आहे. तो मृतकाचा लहान भाऊ आहे.
सोमवारी दि 30 जानेवारी 2024 चे रात्री 9.30 वाजताच्या सुमारास दोन्ही भावामध्ये कुत्र्यावरून वाद झाला. शहरातील रेल्वे उडाणपूला लगतच्या उडीया वस्तीत राहणारा मृतक पर्वत हा गत कांही दिवसापासून घरी येतांना सोबत कुत्रा घेवून येत होता. त्याला तो घरी जेवू घालायचा. ही बाब तेथेच राहणाऱ्या आरोपी भाऊ अविनाशला पसंत नव्हती. त्यामुळे घटनेच्या दिवशी या दोघांत खुप वाद झाला. त्याचे पर्यावसान मारीत होवून लहान भावाने मोठ्या भावाच्या मानेवर धारदार चाकूने वार केला. यात तो गंभीररीत्या जखमी झाला. या अवस्थेत पर्वतला घरच्या मंडळीनी उपजिल्हा रुग्णालयात नेले असता डॉक्टरांनी त्यास मृत घोषित केले.
या घटनेची माहिती हिंगणघाट पोलिसांना मिळताच पोलीस घटनास्थळी दाखल झाले. हिंगणघाट पोलिसांनी आरोपी विरोधात मनुष्य वध भादवी कलम 302 नवीन 103/1 अन्वय्ये गुन्हा दाखल करून आरोपीला अटक केली असून प्राथमिक तपास पीएसआय प्रदीप कोल्हे करीत आहे.
