पल्लवी मेश्राम उपसंपादक नागपूर
महाराष्ट्र संदेश न्युज ! ऑनलाईन नागपूर:- येथून एक खळबळजनक माहिती समोर आली आहे. नागपूर शहरातील अन्सार नगर भागात एक महिला आणि पुरुष बनावटी डॉक्टरच्या पर्दाफाश झाला आहे. हे बनावटी डॉक्टर मागील अनेक दिवसांपासून कोणत्याही वैद्यकीय पदवीशिवाय बेकायदेशीरपणे दवाखाना चालवत होते.
प्राप्त माहितीनुसार, नागपूर महानगरपालिकेच्या आरोग्य विभाग आणि तहसील पोलिस यांनी संयुक्त कारवाई करत नागपूर शहरात सुरू असलेल्या बनावट क्लिनिकचा पर्दाफाश केला. डॉ. साजिद अन्सारी यांचे सुमारे दीड वर्षांपूर्वी निधन झाले. त्यांच्यानंतर, त्यांचा 23 वर्षीय मुलगा जैद अन्सारी आणि मुलगी समन अन्सारी या दोघांनी कुठलाही वैद्यकीय प्रमाणपत्रा शिवाय रुग्णांवर उपचार करण्यास सुरुवात केली.
जैद अन्सारी आणि मुलगी समन अन्सारी हे स्वतःला डॉक्टर म्हणून घेत होते. हे दोघे बनावटी डॉक्टर दोन शिफ्टमध्ये रुग्णांची तपासणी करत असून यादम्यान बीपी मशीन, इंजेक्शन्स, औषधे आणि सलाईन सारख्या वैद्यकीय साहित्याचा वापर करत होते. नागपूर महानगर पालिकेच्या आरोग्य विभागाच्या तक्रारीवरून पोलिसांनी कारवाई केली.
यावेळी तहसील पोलिसांनी या दोन्ही बनावटी डॉक्टर आरोपींविरुद्ध महाराष्ट्र मेडिकल कौन्सिल कायद्यांतर्गत गुन्हा दाखल केला. बनावट डॉक्टरांवर कडक कारवाई करण्यासाठी सरकारने सर्व जिल्ह्यांमध्ये विशेष समित्या स्थापन केल्या आहेत. असे असूनही, नागपूरसह अनेक भागात पदवीशिवाय रुग्णांवर उपचार करणारे बनावट डॉक्टर सक्रिय आहेत. अशा निष्काळजीपणामुळे रुग्णांचे आरोग्य धोक्यात आले आहे.
