अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर १ मार्च:- महाशिवरात्रीच्या पावन पर्वावर चणकापूर येथे २२ फेब्रुवारी ते २८ फेब्रुवारी पर्यंत चमत्कारी प्राचीन शिव मंदिर येथे श्रीमद भागवत कथेचे आयोजन करण्यात आले होते. याची महाप्रसादानी सप्ताहाची सांगता करण्यात आली.
भागवत सप्ताहनिमित्त प्राचीन शिव मंदिरात दैनंदिन कार्यक्रमात काकडा, आरती, भजन, कथा, प्रवचन, रुद्राभिषेक, हरिपाठ अशा विविध कार्यक्रमाची रेलचेल होती. २२ फेब्रुवारीला सकाळी ११ वाजता कलश यात्रा नियोजित मार्गाने काढून सप्ताहाची सुरुवात झाली. दुपारी २.३० वाजता कलश स्थापना व दीप प्रज्वलन श्री. बाल्याप्रसाद पांडे महाराज श्री.क्षेत्र चित्रकूट धाम, रामभाऊजी मुसळे यांच्या प्रमुख उपस्थितीमध्ये करण्यात आले. दुपारी ३ वाजता पासून श्रीमद् भागवत कथेचा प्रारंभ झाला.
यावेळी भागवताचार्य कोमल अग्निहात्री (शास्त्री) वृंदावन (उ. प्र.) यांच्या मधुर वाणीतून श्रीमद् भागवत कथेचा लाभ मिळाला. २८ फेब्रुवारीला सकाळी ९.३० ते १२.३० पर्यंत हवन पूजन, काल्याचे किर्तन झाले. त्यानंतर महाप्रसाद वितरित करून या भागवत सप्ताहाचा समारोप करण्यात आला.
