राज शिर्के मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- भिवंडी येथून एक खळबळजनक घटना समोर आली आहे. येथील खाडी लगत असलेल्या ईदगाह झोपडपट्टी परिसरात असलेल्या दलदलीत 30 ऑगस्ट रोजी धडावेगळे महिलेचं शीर आढळून आले होते. या घटनेने परिसरात खळबळ उडाली होतो. या महिलेची हत्या प्रकरणाचा उलघडा करण्यात भोईवाडा पोलिसांना यश आले आहे. परवीन उर्फ मुस्कान वय 26 वर्ष असे हत्या झालेल्या महिलेचे नाव असून पोलिसांनी हत्या करणाऱ्या पती तहा इम्तियाज अन्सारीला याला बेड्या ठोकल्या आहे.
महिलेचं धडावेगळे शीर आढळल्याने..: ईदगाह झोपडपट्टीजवळ खाडी लगतच्या दलदलीत एका महिलेचं धडावेगळे शीर मिळून आल्याने परिसरात खळबळ माजली होती. महिलेची ओळख पटवणे व त्यानंतर हत्येचा आरोपी पकडणे असे मोठे आव्हान भोईवाडा पोलिसांसमोर होते. पोलिसांनी ईदगाह झोपडपट्टीत तपासला सुरवात केली. त्यामध्ये येथील एक महिला मिळून येत नसल्याची माहिती मिळून आली. त्यामुळे पोलिसांनी तपासाची दिशा निश्चित करीत चौकशीस सुरवात केली. त्यामध्ये परवीन उर्फ मुस्कान या महिलेचा तो मृतदेह असल्याचे स्पष्ट झाले. त्यानंतर माहिती घेतली असता तिचा चालक पती घरी नसल्याचे आढळून आले. पोलिसांनी शोध घेत 1 सप्टेंबर रोजी ताब्यात घेत कसून चौकशी सुरू केली. त्यानंतर पतीने पत्नीच्या हत्येची कबुली दिली.
दोन वर्षांपूर्वी केला प्रेमविवाह: आरोपी पती तहा अन्सारी आणि मृतक मुस्कान अन्सारी यांनी प्रेमविवाह केला होता व त्यांना एक वर्षाचा मुलगा आहे. ज्याचं नाव मोहम्मद अजलान अंसारी आहे. तहा अन्सारी व मुस्कान अन्सारी दोघेही एकमेकांवर चारित्र्यावरून संशय घेत होते आणि त्यामध्ये त्यांच्यात भांडण देखील होत होतं. हा प्रकार अनेक दिवसांपासून सुरू होता. शिवाय मुस्कान ही इन्स्टाग्रामवर रिल्स बनवत होती. तिला काही मुलंही भेटत होती. त्यामुळे त्यांच्यात आणखी भांडण होऊ लागली. मुस्कान 28 ऑगस्ट रोजी सुद्धा रिल्स बनवण्यासाठी घरातून निघून गेली होती त्यातून परत यांच्यात वाद झाला होता. ती आपल्या मुलाला देखील मारहाण करत होती. या सगळ्या गोष्टीवरून दोघांमध्ये खूप भांडण व हाणामारी होत होती.
पत्नी मुस्कानची क्रूरपणे हत्या..: भांडणातून अखेर पतीने 29 ऑगस्ट रोजी पत्नी मुस्कानची क्रूरपणे हत्या केली. पत्नीचे शीर धडापासून वेगळे करत शरीराचे दोन तुकडे केले. खाडीत भरतीचे पाणी वाढले असताना त्यात फेकून पुरावा नष्ट करण्याचा प्रयत्न केला होता. अजूनही धड आढळून न आल्याने खाडी लगत पोलिस शोध घेत आहेत. दरम्यान आरोपी पतीला भिवंडी न्यायालयात हजर केले असता त्यास 11 सप्टेंबर पर्यंत पोलिस कोठडी ठोठावण्यात आली आहे.
एक वर्षाच्या लेकरासमोर आईची हत्या: दरम्यान, या घटनेमुळे एक वर्षाचा मोहम्मद अजलानची काय चूक होती. बापाकडून आईची हत्या या एक वर्षाच्या मोहम्मद अजलानच्या समोर झाली. प्रेमविवाह केलेल्या या जोडप्याचं अखेर भयानक अंत पाहायला मिळाला. मात्र, यामध्ये आई गमावली आणि बाप जेलमध्ये गेल्याने मुलगा आता एकटा पडला आहे. सध्या या मुलाला नातेवाईकांनी घेत त्याचा सांभाळ करत आहेत.
