मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा:- पोलीस अधीक्षक अनुराग जैन यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 09 सप्टेंबर 2025 रोजी स्था.गु.शा. वर्धा चे पथक पोलीस स्टेशन समुद्रपुर हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून आरोपी शंकर चंपतराव डाहाणे, वय 42 वर्ष, रा. गणराय नगरी समुद्रपुर त्याचे राहते घरी एन.डि.पी.एस. कायद्यान्वये रेड केला.
तपासणी दरम्यान यावेळी आरोपी जवळ एका पन्नीमध्ये गांजा अंमली पदार्थ मिळुन आला. तसेच सदर गांजा मालाचा पुरवठा करणारा आरोपी संजय विनायक कोम्पलवार, वय 43 वर्ष, रा. आकर वार्ड नं. 03, कोरा, तह. समुद्रपुर जि. वर्धा हा सुध्दा मोक्कावर वाहतुकीकरीता वापरलेल्या होंडा शाईन मोटर सायकल क्र. एम.एच. 32 ए.झेड. 9690 सह हजर मिळुन आला. दोघांचेही ताब्यातुन 01 किलो 37 ग्रॅम गांजा अमली पदार्थ दोन मोबाईल व मोटर सायकलसह 1,28,240 रूपये असा मुद्देमाल जप्त करून, दोन्ही आरोपी विरूध्द पोलीस स्टेशन समुद्रपुर येथे एनडीपिएस कायद्यान्वये गुन्हा नोंद करण्यात आला आहे.
सदरची कार्यवाही पोलीस अधिक्षक अनुराग जैन, अपर पोलीस अधीक्षक सदाशिव वाघमारे यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, रवि पुरोहित, अक्षय राऊत,अभिषेक नाईक, रितेश गेटमे सर्व नेमणुक स्थानिक गुन्हे शाखा वर्धा यांनी केली.
