✒️मंगेश जगताप, मुंबई प्रतिनिधी
मुंबई:- येथून एक खळबळजनक घटना समोर आली आहे. कुर्ला येथील एका इमारतीला भीषण आाग लागली. या आलिशान इमारतीला आग लागल्याची माहिती अग्नीशामक विभागाला देण्यात आली. ही माहिती समजताच अग्नीशमन दलाचे जवान घटनास्थळी दाखल झाले. आणि बचाव कार्य सुरू केले. ही रहिवासी इमारत असल्याने अनेक जण इमारतीत अडकल्याची भिती व्यक्त केली जात आहे. या ठिकाणी रेक्स्क्यू ऑपरेशन सुरु आहे. परिसरात सर्व धुराचे लोट निघत असल्याने नागरीक भयभीत झाले.
कुर्ला परिसरातील नविन टिळक नगर परिसरात ही इमारत आहे. आज दुपारच्या सुमारास या इमारतीला भीषण आग लागली. अग्मीशामक दलाची आठ वाहने घटनास्थळी दाखल झाली असून तासाभराच्या अथक परिश्रमानंतर आग आटोक्यात आणण्यात अग्नीशमन दलाच्या जवानांना यश आले.
इमारतीच्या सर्वात वरच्या मजल्यावरील एका फ्लॅटला आग लागली होती. जीव वाचवण्यासाठी नागरिकांची मोठ्या प्रमाणात धडपड सुरु असल्याचे अनेक नागरिकांनी बघितले. इमारतीत वास्तव्याला असणाऱ्या अनेक नागरिकांनी गॅलीरीतून उतरुन स्लॅबवर थांबवून मदत मागितली.
ही आग इमारतीच्या डकमध्ये साचलेल्या कच-्यामुळे आग लागल्याची प्राथमिक माहिती समोर येत आहे. अग्नीशमन दलाच्या जवानांनी तात्काळ आगीवर नियंत्रण मिळवले.
