दशरथ गायकवाड पुणे प्रतिनिधी
महाराष्ट्र संदेश न्युज ! ऑनलाईन पुणे:- १२ जानेवारी २०२३ रोजी डॉ. बाबासाहेब आंबेडकर म. फुले ट्रस्टचे, ज्ञानप्रभात विद्यामंदिर व विद्यालय, सह्योगनगर, रुपीनगर, पिंपरी चिंचवड शहर, पुणे येथे राष्ट्रमाता जिजाऊ व स्वामी विवेकानंद यांच्या जयंती निमित्त विविध कार्यक्रमाचे आयोजन करण्यात आले होते. यावेळी विद्यार्थी भाषणे, गाणी, कविता तसेच राजमाता जिजाऊ यांच्या जीवनावर आधारित गीत सादर करून अभिवादन करण्यात आले.
यावेळी संस्थेचे संस्थापक अध्यक्ष विठ्ठलराव गवळी, संस्थेचे सचिव नीलकंठ लांडगे, खजिनदार बाळासाहेब सावंत, श्रीमती साधना भुजंग, श्री.भुजंग साहेब (सी.ए), श्री. घनवट (उपायराजा) ज्ञान प्रभात विद्यालयाचे मुख्याध्यापक राहुल गवळी व ज्ञान प्रभात विद्यामंदिरच्या मुख्याध्यापिका सौ. प्रज्ञा सोनवणे व शिक्षक शिक्षकेत्तर कर्मचारी यावेळी उपस्थित होते.
सर्वात प्रथम स्वामी विवेकानंद व राजमाता जिजाऊ यांच्या प्रतिमेला पुष्पहार अर्पण करून अभिवादन करण्यात आले. या प्रसंगी विद्यार्थी भाषणे झाली. विद्यार्थ्यानी आपल्या भाषणातून राजमाता जिजाऊ व स्वामी विवेकानंद यांचा जीवन प्रवास सांगितला. याप्रसंगी श्रीम.साधना भुजंग मॅडम, श्री.भुजंग साहेब, श्री. उपयाराजा व कार्यक्रमाचे अध्यक्ष श्री. विठ्ठलराव गवळी साहेब यांनी उपस्थीत सर्व विद्यार्थ्याना अतिशय मोलाचे असे मार्गदर्शन केले. श्रीम. ज्योती सोनवणे मॅडम यांनी सूत्र संचालन केले व श्रीम. ज्योती मोहिते मॅडम यांनी सर्वांचे आभार मानले . व सर्व विद्यार्थ्यांना खाऊ वाटप करून कार्यक्रमाची सांगता करण्यात आली.
