विश्वास त्रिभुवन, अहमदनगर जिल्हा प्रतिनिधी
महाराष्ट्र संदेश न्युज ! ऑनलाईन अहमदनगर दि:26:- 74 व्या प्रजासत्ताक दीन आस्तगाव येथे उत्साहपूर्ण वातावरणात साजरा करण्यात आला. यावेळी 74 व्या प्रजासत्ताक दिनानिमित्त जिल्हा परिषद अहमदनगर केंद्रीय प्राथमिक शाळेच्या येथे विविध कार्यक्रमांचे आयोजन करून हा प्रजासत्ताक दीन मोठ्या उत्साहात साजरा करण्यात आला.
74 व्या प्रजासत्ताक दिनानिमित्त आस्तगावा मधून सकाळी प्रभात फेरी करण्यात आली होती यात मोठ्या प्रमाणात अंगणवाडीतील विद्यार्थी व प्राथमिक शाळेतील विद्यार्थी व शिक्षक शिक्षिका यात सामील होत्या. प्रभात फेरी पूर्ण झाल्यानंतर शिक्षक व सर्व विद्यार्थी शाळेच्या प्राणांगनात एकत्र येवून पुढील कार्यक्रम सुरू करण्यात आला. गावातील सरपंच सौ. सविता ताई चोळके यांच्या हस्ते ध्वजारोहन करण्यात आले व विद्यार्थिनींनी राष्ट्रगीत गाऊन तिरंगा ध्वजाला मानवंदना दिली. अनेक विद्यार्थी व विद्यार्थिनींनी भाषणातून आपले मनोगत व्यक्त केले त्यांनतर पुढारी, ग्रामस्थ, शिक्षक, शिक्षिका या सर्वांनी भाषणातून आपले मनोगत व्यक्त केले. या कार्यक्रमा प्रसंगी प्रमुख पाहुणे गावचे पोलिस पाटील राजेश त्रिभुवन, सभापती निवास त्रिभुवन, जन हितक कार्यकर्ते जॉन भाऊ त्रिभुवन, नंदकुमार जेजुरकर, नंदू भाऊ गव्हाणे, आर. बी. चोळके व इतर सामजिक कार्यकर्ते व विद्यार्थ्यांचे पालक वर्ग उपस्थित होते.
