🖊️आशिष अंबादे, वर्धा जिल्हा प्रतिनिधी 🖊️
वर्धा:- जील्हातील पुलगाव येथून एक धक्कादायक घटना समोर आली आहे. येथे दोन दिवसांपूर्वी पुलगाव रेल्वेस्थानकाच्या हद्दीत अज्ञात व्यक्तीचे शीर आढळून आले होते. रेल्वे पोलीस तपास घेत असतानाच हे बेवारस शीर पुलगाव येथील हिंगणघाटफैल परिसरातील रहिवासी व्यक्तीचे असल्याची ओळख पटली. अन् हे क्रुर हत्याकांड उजेडात आले. याप्रकरणी पुलगाव पोलिसांनी मृतकाच्या पत्नीला अटक करुन अल्पवयीन मुलास ताब्यात घेतल्याची माहिती पाेलिसांनी दिली. अनिल मधुकर बेंदले वय 47 वर्ष असे मृतक इसमाने नाव आहे. तर पोलिसांनी अटक केलेल्यात मृतकाची पत्नी मनिषा बेंदले हिचा समावेश असून अल्पवयीन मुलास ताब्यात घेतले आहे.
6 ऑगस्ट रोजी अज्ञात व्यक्तीचे अर्धवट जळालेले शीर पुलगाव स्थानकापासून काही अंतरावर असलेल्या रेल्वे ट्रॅकच्या बाजूला मिळून आले होते. याप्रकरणी लोहमार्ग पोलिसांनी ७ रोजी मर्ग दाखल करुन पुढील तपास सुरु केला होता. या प्रकरणात क्रुर हत्याकांड झाल्याचे आता उजेडात आले असून ते बेवारस शीर अनिल बेंदले याचे असल्याची खात्री पटली आहे. याबाबतची तक्रार मृतकाचा भाऊ सुनिल बेंदले याने पुलगाव पोलिसात दिली आहे.
पुढील तपास उपविभागीय पोलीस अधिकारी गोकुळसिंग पाटील यांच्या मार्गदर्शनात पोलीस निरीक्षक शैलेश शेळके, राजू हाडके, खुशालपंत राठौर, संजय पटले, पंकज टाकोणे, महादेव सानप,शरद सानप करीत आहे.