अनिल अडकिने, सावनेर तालुका प्रतिनिधी
मो. नं. -९८२२७२४१३६
सावनेर:- नांदागोमुख येथील गोमुख विद्यालय व उच्च माध्यमिक विद्यालयात स्वातंत्र्याचा अमृत महोत्सव अंतर्गत हर घर तिरंगा उपक्रम व अमृत महोत्सवी सप्ताह दि.११ ऑगस्ट पासून साजरा केला जात आहे. या सप्ताहानिमित्त शाळेत राष्ट्रीय गीतगायन स्पर्धा, शाळा स्वच्छता अभियान, नशामुक्त भारत अभियान, अमृत महोत्सवी रक्षाबंधन, निबंध स्पर्धा, चित्रकला स्पर्धा, रांगोळी स्पर्धा व क्रीडा स्पर्धा घेण्यात आल्या.
आरोग्य विभागातील अधिकारी व कर्मचारी यांना शाळेत निमंत्रित करून अमृत महोत्सवी रक्षाबंधन साजरे करण्यात आले. यासोबतच १३ ऑगस्ट ते १५ ऑगस्ट या कालावधीत “हर घर झेंडा” हा शासनाचा महत्वाकांक्षी उपक्रम राबविण्याकरीता विद्यार्थ्यांना झेंडे वितरित करण्यात आले असून १३ तारखेला मुख्याध्यापक अशोक डोंगरे यांचे हस्ते झेंडावंदन करण्यात आले. १४ ऑगस्ट ला शाळा व्यवस्थापन समितीचे उपाध्यक्ष बंडू मिलमिले यांचे हस्ते तर १५ ऑगस्ट ला संस्थेचे अध्यक्ष प्रा. नेमराज मोवाडे यांचे हस्ते झेंडावंदन करण्यात आले.१६ ऑगस्ट ला वृक्षारोपण करण्यात आले.व १७ ऑगस्ट ला १२ ते १८ वर्ष वयोगटातील मुलांना आरोग्य विभागाच्या मदतीने लसीकरण मोहीम राबवून सप्ताहाचा समारोप करण्यात येईल.
सप्ताह यशस्वीपणे राबविण्यासाठी मुख्याध्यापक अशोक डोंगरे, क्रीडा शिक्षक राजेंद्र चवडे, कला शिक्षक अमोल महाजन, संगीत शिक्षक शिरीष रंडखे सह सर्व शिक्षक व शिक्षकेतर कर्मचारी मेहनत घेत आहे.
