उषाताई कांबळे, सांगली शहर प्रतिनिधी
महाराष्ट्र संदेश न्युज ! ऑनलाईन सांगली:- जिल्ह्यासह पर जिल्ह्यातून मोटरसायकल चोरी करून विकणाऱ्या एका अट्टल चोरट्यास सांगलीचे स्थानिक गुन्हे अन्वेषण शाखेने जेरबंद करत बेड्या ठोकल्या आहे. या चोरकडून आठ मोटरसायकल सह दोन लाख ४० हजारांचा मुद्देमाल जप्त करण्यात आला आहे. करण चव्हाण वय 26 वर्ष असे या संशयीताचे नाव आहे.
सांगली जिल्ह्यातील मोटरसायकल चोरीचा तपास सुरू असताना विश्रामबाग परिसरातील १०० फुटी रोडवरील धामणी चौक या ठिकाणी चोरीतील मोटरसायकल विक्री करण्यासाठी एक तरुण येणार असल्याची माहिती स्थानिक गुन्हे अन्वेषण शाखेच्या पथकाला मिळाली. यानुसार सापळा रचून दुचाकीवरून आलेल्या करण चव्हाण रा. नागज, ता. कवठेमहांकाळ याला ताब्यात घेऊन त्याच्याकडे सदरच्या गाडीची चौकशी केली. सुरुवातीला त्याने उडवा उडवीची उत्तरे दिली. मात्र कागदपत्रे नसल्याचे सांगितल्यानंतर त्याची सकल चौकशी केली असता सदरची दुचाकी त्यांनी चोरल्याची कबुली दिली. त्यानंतर त्याला अटक करून त्याच्याकडे अधिक चौकशी केली असता त्याने ठाणे, कोल्हापूर, सातारा, सोलापूर आणि सांगली जिल्ह्यातून दुचाकी चोरल्याची कबुली दिली. त्यानंतर त्याच्याकडून त्याच्या ताब्यातल्या आठ दुचाकी जप्त करत सहा गुन्हे उघडकीस आणत दोन लाख ४० हजारांचा मुद्देमाल जप्त करण्यात आला आहे. स्थानिक गुन्हे अन्वेषण शाखेचे पोलीस निरीक्षक सतीश शिंदे आणि सहायक पोलीस निरीक्षक संदीप शिंदे यांच्या नेतृत्वाखाली ही कारवाई करण्यात आली आहे.
