नासिर सुलेमान खान, नवी मुंबई प्रतिनिधी
महाराष्ट्र संदेश न्युज ! ऑनलाईन नवीमुंबई:- ज्येष्ठ निरूपणकार आप्पासाहेब धर्माधिकारी यांना यंदाच्या महाराष्ट्र भूषण पुरस्कारानं गौरवण्यात आलं. केंद्रीय गृहमंत्री अमित शाह यांच्या हस्ते आप्पासाहेब धर्माधिकारी यांना महाराष्ट्र भूषण पुरस्कार पुरस्कार प्रदान करण्यात आला.
पद्मश्री डॉ. आप्पासाहेब धर्माधिकारी हे मागील 30 वर्षांपासून आदिवासी वस्त्यांमध्ये तसेच अनेक भागात आरोग्य, स्वच्छता, व्यसनमुक्ती यासाठी अतुलनीय कार्य करत आहेत. मानवसेवेसाठी आपले संपूर्ण आयुष्य समर्पित करणाऱ्या या समाजसेवकाला ‘महाराष्ट्र भूषण-2022’ पुरस्कार देऊन त्यांचा सन्मान करण्यात आला.
नवी मुंबई येथील खारघरमधील सेंट्रल पार्क मैदानावर महाराष्ट्र भूषण पुरस्कार सोहळा दिमाखात पार पडला. या पुरस्कार सोहळ्यासाठी केंद्रीय गृहमंत्री अमित शाह, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि सांस्कृतिक कार्यमंत्री सुधीर मुनगंटीवार यांच्यासह अनेक नेतेमंडळींनी हजेरी लावली होती. यासोबतच हा अभूतपूर्व सोहळा याची देही, याची डोळा पाहण्यासाठी हजारो नागरिकांची उपस्थिती होती.
