राज्य शासनाकडून मृतांच्या कुटुंबियांना प्रत्येकी पाच लाख रुपयांची मदत, रुग्णालयाला भेट देऊन मुख्यमंत्री एकनाथ शिंदे कडून सदस्यांची विचारपुस.
नितीन शिंदे, मुंबई महानगर प्रतिनिधी
8369205752
महाराष्ट्र संदेश न्युज ! ऑनलाईन मुंबई:- खारघर येथे झालेल्या महाराष्ट्र भूषण पुरस्कार सोहळ्यात अनेक नागरिकांचा दुर्दैवी मृत्यू झाला. त्यामुळे संपूर्ण राज्यात एकच खळबळ माजली होती. आयोजित या कार्यक्रमात उपस्थित नागरिकांचा उष्माघातामुळे रुग्णालयात हलवावे लागले होते त्यात दुर्दैवाने त्यातील अकरा जणांचा उपचार सुरू असताना मृत्यू झाला होता. त्यामुळे राज्याचे मुख्यमंत्री एकनाथ शिंदे यांनी मयत झालेल्या नागरिकांना भावपूर्ण श्रद्धांजली अर्पण केली. यावेळी मुख्यमंत्री एकनाथ यांनी सांगितल की, ही अतिशय वेदनादायी आणि दुर्दैवी घटना आहे. राज्य शासनातर्फे मृतांच्या कुटुंबियांना प्रत्येकी पाच लाख रुपयांची मदत देण्यात येणार असून रुग्णालयात उपचार सुरू असलेल्या नागरिकांचा उपचाराचा खर्च शासनामार्फत केला जाईल, असे मुख्यमंत्री एकनाथ शिंदे यांनी आज सांगितले.
कामोठे येथील एमजीएम रुग्णालयात उपचार सुरू असलेल्या नागरिकांच्या तब्येतीची विचारपूस करण्यासाठी मुख्यमंत्री एकनाथ शिंदे रात्री आठच्या सुमारास आले होते. एकनाथ शिंदे यांनी उपचार घेत असलेल्या रुग्णांशी यावेळी संवाद साधला. त्याचबरोबर तेथील डॉक्टर्ससोबत चर्चा करून उपचाराबाबत माहिती जाणून घेतली.
यावेळी माध्यम प्रतिनीधींशी बोलताना मुख्यमंत्री एकनाथ शिंदे म्हणाले, उष्माघाताचा त्रास झाल्याने नागरिकांना रुग्णालयात दाखल करावे लागले. सोहळ्याच्या ठिकाणी असलेल्या डॉक्टरांनी काही प्राथमिक उपचार केले. काहींना रुग्णालयात हलवावे लागले. त्यापैकी एमजीएम रुग्णालयात दाखल असलेले रुग्ण आणि त्यांच्या नातेवाईकांच्या समन्वयासाठी पनवेल महानगर पालिकेचा उपायुक्त दर्जाचा अधिकारी नियुक्त करण्याचे निर्देश देण्यात आले आहेत. रुग्ण आणि नातेवाईकांची गैरसोय होणार नाही याची दक्षता घेण्याच्या सूचना मुख्यमंत्री शिंदे यांनी यावेळी दिल्या.
