देवेंद्र सिरसाट, हिंगणा (नागपुर) तालुका प्रतिनिधी
महाराष्ट्र संदेश न्युज ! ऑनलाईन नागपूर:- सीबीएसई बोर्डाचा दहावीचा निकाल नुकताच जाहीर झाला आहे. यावेळी नागपुर जिल्हातील विद्यार्थिनीनं चांगले गुण मिळवत यश मिळवलं आहे. कान्होलीबारा येथील अल्पभूधारक पुरुषोत्तम चोपडे यांची कन्या रुचिका चोपडे या विद्यार्थिनीने दहावीत 96 टक्के गुण मिळवत घवघवीत यश संपादन केलं आहे. या यशाबद्दल तिच्यावर सगळीकडून कौतुकाचा वर्षाव होत आहे. प्रचंड मेहनत, कष्ट करण्याची तयारी आणि ध्येयाने झपाटून केलेल्या अभ्यासामुळेच तिला हे यश मिळाल्याचं सांगताना आई वडीलाचा आनंद गगनात मावेनासा झाला आहे. रुचिका हिला इंग्रजी विषयात 98, गणित 93 आणि सोशल सायन्स या विषयात 98, हिंदी 96, सायन्स 95 गुण मिळाले आहेत. रुचिका ही स्कूल ऑफ स्कॉलर वनाडोगरी येथील स्कूलची विद्यार्थिनी आहे.
सीबीएसई बोर्डाच्या 10 वीच्या परीक्षेचा निकाल शुक्रवार रोजी लागला. भविष्याचा मार्ग या निकालावर अवलंबून असल्याने विद्यार्थी आणि पालक या निकालाकडे नजरा लागल्या होत्या. कान्होलीबारा येथील पुरुषोत्तम आणि कविता चोपडे यांची मुलगी रुचिकाला या परीक्षेत दैदीप्यमान यश मिळालं आहे. दीक्षाला 96 टक्के गुण मिळालेले पाहून सुरुवातीला त्यांच्या डोळ्यावर विश्वास बसत नव्हता. रुचिकाने या यशाचे श्रेय आई वडील, शिक्षक आणि मित्रांना देत त्यांचे आभार मानले आहेत.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
