श्याम भुतडा, बीड जिल्हा प्रतिनिधी
महाराष्ट्र संदेश न्युज ! ऑनलाईन बीड:- शहरातील १२ डी.पी रस्ते मंजुर झाले आहेत त्यापैकी प्रभाग क्र. २ मधील साववता माळी चौक ने स्व. सावरकर महाविद्यालय पर्यंत रस्ता व नालीचे काम चालु आहे. परंतु दोन व्यक्तींनी नगराध्यक्षाच्या आरक्षण पडण्याआधीच दिवसा नगराध्यक्ष बनण्याची स्वप्न रंगवणे चालू केले आहे या लोकांनी आमच्या वार्डात नाचू नये असे आवाहन माजी नगरसेवक विष्णू वाघमारे यांनी केले आहे.
यासंदर्भात सोशल मीडियावर टाकलेल्या पत्रकात असे नमूद केले आहे की, कोणत्याही संवैधानिक पदावर नसताना यांनी नगरपरिषद प्रशासक व मुख्याधिकारी याच्यावर दबावतंत्र वापरून खोटे नाटे करून अधिकारी वर्गाला घेऊन सावता माळी चौक ते स्व. सावरकर महाविद्यालय येथे येऊन पाहणी करून फोटो काढून त्या भागातील नागरिकांमध्ये संभ्रम निर्माण केला आहे. हे सदरील भागातील गुतेदारावर दबाव आणुन स्वतःच्या फायद्यासाठी काहीही करू शकतात. या माध्यामातून त्यांनी त्याच्याच प्रभागामध्ये लक्ष घालावे. दुसऱ्याच्या प्रभागामध्ये नाक खुपसू नये नसता यांचे परिणाम भोगावे लागतील असा इशारा विष्णु शामराव वाघमारे माजी जेष्ठ नगरसेवक यांनी दिला.
