विश्वास त्रिभुवन अहमदनगर जिल्हा प्रतिनिधी
महाराष्ट्र संदेश न्युज!ऑनलाईन अहमदनगर:- मध्ये भीषण आग लागल्याची माहिती समोर आली आहे. या आगीत दोन जणांचा होरपळून मृत्यू झाला आहे तर दोन जण जखमी झाले आहेत. ही आग लागल्याची घटना अहमदनगर – जामखेड नगर रोडवरील आग विझवण्याच्या फायरबॉल बनवणाऱ्या गोडाऊनमध्ये ही आग लागली.
प्राप्त माहितीनुसार, या गोडाऊनमध्ये कामगार आपले काम करत होते आणि त्याचवेळीस अचानक आग लागली. लाईटच्या शॉर्टसर्किटमुळे ही आग लागल्याची प्राथमिक माहिती समोर येत आहे. या आगीमध्ये दोन जणांचा होरपळून मृत्यू झाला. तर दोन जण जखमी झाले आहेत. ज्ञानेश्वर चंद्रकात भोडवे, वय 45 राहणार घोडेगाव ता. जामखेड आणि जहीर सत्तार मूलानी, वय 35 रा. तेरखेडा. ता कळंब या दोन जणांचा होरपळून मृत्यू झाला आहे.
जामखेड येथील नगररोडवरील रेडमॅटीक ऑटोमॅटीक फायर फायटरचे उत्पादन करण्याचे (आग विझवण्याचे साधन) गोडाऊन आहे. या गोडाऊन मधील आग विझवण्याच्या फायरबॉल गोडाऊनमध्ये 5 वाजण्याच्या सुमारास आग लागली. ज्यावेळी ही घटना घडली त्यावेळी गोडाऊनमध्ये कामगार ज्ञानेश्वर चंद्रकात भोंडवे आणि जहीर सत्तार मुलानी हे दोन कामगार काम करत होते.
या आगीत ज्ञानेश्वर चंद्रकात भोंडवे आणि जहीर सत्तार मुलानी आसे दोन जणांचा जागेवरच होरपळून मृत्यू झाला. तर इतर बाजुला आसलेल्या गणेश पवार रा. जामखेड आणि पूजा पठाडे वय 24 हे दोघे जण जखमी झाले असल्याची माहिती समोर येत आहे.
