संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- शहरातील यशोधरानगर पोलिस स्टेशनच्या हद्दीतून एक खळबळजनक घटना समोर आली आहे. येथे एका सासऱ्याने आपल्याच मुलीच्या माहेरच्या लोकांवर जीवघेणा हल्ला केला.
एका मुलीने कुटुंबाचा विरोधात जाऊन प्रेम विवाह केला. त्यामुळे मुलीचा बापाला अस वाटत होते की, माझ्या मुलीला प्रेमाच्या जाळ्यात ओढून परिवाराच्या विरोधात जाऊन तिने प्रेमविवाह केला याचा राग मनात धरुन मुलीच्या वडिलांनी मुलीच्या सासरकडील जावयाच्या वडिलासह तिघांनी युवकावर प्राणघातक हल्ला करीत ठार मारण्याचा प्रयत्न केला. या प्रकरणी यशोधरानगर पोलिसांनी गुन्हा दाखल केला. मोहम्मद सलालुद्दिन कामिल उर्फ मोहम्मद परवेज कुरैशी वय 27 वर्ष, गुलशननगर कळमना असे जखमी युवकाचे नाव आहे.
मोहम्मद सलालुद्दिन कामिल उर्फ मोहम्मद परवेज कुरैशी याने दोन वर्षांअगोदर आलम अली उर्फ हसन अन्सारी वय 44 वर्ष, वनदेवीनगर याच्या मुलीशी प्रेमविवाह केला होता. याला आलमचा विरोध होता, मात्र त्याचे न ऐकता हा विवाह झाला होता. तेव्हापासून त्याच्या मनात जावया विरोधात राग होता. सोमवारी रात्री पावणे दहाच्या सुमारास कामिल हा त्याचा मामेभाऊ फैजल शफी कुरैशी वय ३० वर्ष रा. वांजरा याच्यासोबत वनदेवीनगर चौक येथून जात होता. त्यावेळी आलम त्याचे साथीदार सिकंदर अली उर्फ हसन अन्सारी वय 21 वर्ष, वनदेवीनगर, सुलतान अन्सारी वनदेवीनगर व एका अल्पवयीन मुलासह होता.
त्यांनी दोन्ही भावांना थांबविले व शिवीगाळ सुरू केली. त्यानंतर अचानक कामिलवर चाकूने वार करण्यास सुरुवात केली. फैजलने आपल्या भावाला वाचवायचा प्रयत्न केला. मात्र, त्याच्या वरदेखील चाकूने वार करण्यात आले. घटनास्थळी गोंधळ ऐकून लोक एकत्र झाले व सर्व आरोपी तेथून फरार झाले. दोन्ही भाऊ जखमी अवस्थेत रक्तबंबाळ झाले होते. त्यांना मेयो इस्पितळात नेण्यात आले. कामिलच्या तक्रारीनंतर यशोधरानगर पोलीस ठाण्यात गुन्हा नोंदविण्यात आला. पोलिसांनी सासरा आलम याच्यासह सिकंदर अली उर्फ हसन अन्सारी याला अटक केली आहे. इतर दोन आरोपींचा शोध सुरू आहे.
