आंबेगाव बुद्रुक मधील सोसायटीमध्ये धुडघुस घालत खुनाचा प्रयत्न करणाऱ्या गणेश उर्फ भावड्या ओव्हाळ व त्याच्या इतर दोन साथीदारांना गुन्हे शाखा, युनिट 2, ने 24 तासाच्या आत केले जेरबंद

दि 22/05/2023 रोजी युनिट 2 कडील पो. ह.वा.उज्वल मोकाशी व संजय जाधव यांना त्याचे बातमीदारामार्फत बातमी मिळाली की, भारती विद्यापीठ पोलीस स्टेशन गुन्हा रजिस्टर नंबर 317/2023 भा द वि कलम 307,323,504,506,143,148,149,427 व आर्म अॅक्ट कलम 4(25) सह म पो ॲक्ट 37(1)(3),135 या गुन्ह्यातील पाहिजे आरोपी भावड्या ओव्हाळ व त्याचे इतर दोन साथीदार आंबेगाव बुद्रुक मधील स्मशानभूमी मध्ये लपून बसले आहेत अशी खात्रीशीर बातमी मिळाल्याने सदरची बातमी युनिट 2 चे प्रभारी क्रांतिकुमार पाटील सो यांना कळविली असता त्यांनी कारवाई करण्याचे आदेश दिले.त्याप्रमाणे गुन्हे शाखा युनिट २ चे पोलिस उपनिरीक्षक राजेंद्र पाटोळे व पोलीस स्टाफ उज्वल मोकाशी , संजय जाधव , गजानन सोनूने , नामदेव रेणुसे, शंकर नवसे, गणेश थोरात, विजय पवार असे घटनास्थळी गेलो असता स्मशानभूमी मध्ये तीन इसम संशयितरित्या दिसून आले. त्यांचे वर्णन हे बातमी प्रमाणे असल्याने त्यांना पोलीस स्टाफ च्या मदतीने ताब्यात घेतले. त्यांना त्यांचे नाव पत्ता विचारपूस केली असता त्यांनी त्यांचे नाव १) करण रवी पटेकर राहणार भूमकर ब्रिज बालाजी पार्क समोर नऱ्हे. २) गणेश बाबू ओव्हाळ राहणार जय शिवाजी महाराज चौक आंबेगाव बुद्रुक व ३) भिमशा सुरेश चव्हाण राहणार अमित ब्लूफिल्ड बिल्डिंग शेजारी रसना हाइट्स, आंबेगाव बुद्रुक, पुणे असे सांगितले .
सदर इसमांबाबत भारती विद्यापीठ पोलीस स्टेशन येथे माहिती घेतली असता त्यांच्यावर वरील प्रमाणे गुन्हा नोंद असल्याचे समजले. म्हणून नमूद आरोपींना ताब्यात घेऊन त्यांची ससून हॉस्पिटल येथे वैद्यकिय तपासणी करण्यात आली व पुढील कार्यवाही करिता भारती विद्यापीठ पोलीस स्टेशन च्या ताब्यात देण्यात आले.