नरेंद्र नायडू पुणे शहर प्रतिनीधी
महाराष्ट्र संदेश न्युज ! ऑनलाईन पुणे:- शहरातील स्वारगेट सातारा रस्त्यावरील भारती विद्यापीठ पोलीस ठाण्यासमोर एक अपघाताची दुर्दैवी घटना समोर आली आहे. रविवारी दुपारी 12 वाजण्याच्या सुमारास भीषण अपघात झाला. तत भरधाव वेगात जाणाऱ्या अशोक लेलँड मिक्सर ट्रकने दुचाकीला पाठीमागून जोरदार धडक दिली. यामध्ये ट्रक खाली चिरडून दुचाकी वरील एका महिलेचा जागीच मृत्यू झाला. दुर्गा कुंडलिक जावळकर वय 54 वर्ष असे मृतक महिलेचे नाव असून ट्रक चालक कन्नू स्वामी सुभैया देवर वय 62 वर्ष याच्या विरोधात गुन्हा दाखल करण्यात आला आहे.
प्राप्त माहितीनुसार फिर्यादी वंदना रामदास भरेकर आणि दुर्गा कुंडलिक जावळकर या 12 वाजताच्या सुमारास दुचाकीने जात होत्या. यावेळी भारतीय विद्यापीठ पोलीस ठाण्यासमोरील स्वारगेट कडे जाणाऱ्या रस्त्यावर फिर्यादी यांच्या दुचाकीला आरोपीच्या ट्रकने जोराची धडक दिली. या धडकेत दुर्गा कुंडलिक या खाली कोसळल्या आणि ट्रकची चाक त्यांच्या डोक्यावरून गेले. यामध्ये त्यांचा जागीच मृत्यू झाला. पोलिसांनी या प्रकरणी गुन्हा दाखल केला असून अधिक तपास सुरू केला आहे.
