✒️प्रशांत जगताप संपादक 9766445348
महाराष्ट्र संदेश न्युज ! ऑनलाईन वर्धा/नागपूर:- तृतीयपंथी वकील शिवानी सुरकार, वर्धा ह्या एक सामाजिक कार्यकर्त्या असून मागील काही वर्षांमध्ये त्यांनी अनेक गरिबांच्या समस्या सुद्धा सोडविल्यात तसेच त्या “एक रुग्ण मित्र” देखील आहेत. त्यांनी अनेक गरीब नागरिकांना न्याय मिळून देण्यासाठी आपल्या परीने पूर्ण प्रयत्न करत आहे.
घटना अशी की, जितेंद्र पिंगळे ह्या ऑटो चालक असून परिस्थिती हलाखीची आहे. त्यामुळे परिवाराचे पालन पोषण करण्यासाठी त्यांनी वर्धा येथील उन्नती मोटर्स मार्फत बॅटरीवर चालणारा ऑटो कर्ज घेऊन विकत घेतला होता. पण ऑटोच्या बॅटरी मध्ये काही दोष असल्यामुळे ऑटो चालकाने सदर बाब उन्नती शोरूम अनेक दा सांगितली असता त्यांनी बॅटरी दुरुस्त न करून देता उडवा उडवी चे उत्तरे देऊन परत करण्यात आले. हा प्रकार दोन ते तीन वेळा घडला. ऑटो बंद झाल्याने पिंगळे यांचं उत्पन्नाचे साधन बंद पडले त्यामुळे ते नैराश्यमय झाले. या ऑटो चालकाची दुर्दैवी कथा तृतीय पंथी असलेल्या ॲड. शिवानी सुरकारच्या कानावर पडताच शिवानीने या बाबीवर दखल घेण्याची ठरविले.
वकील या नात्याने ॲड. शिवानी सुरकार यांनी एक नोटीस उन्नती मोटर्स नागपूर वर्धा यांना पाठविली. सात पृष्ठाच्या या इंग्रजी भाषेमधील नोटीस मध्ये मागणी केल्याप्रमाणे कंपनीने ऑटो चालकास अखेर ऑटो मधील झालेला दोष दुरुस्त करून दिला. तसेच थोड्या प्रमाणात नुकसान भरपाई सुद्धा दिली.
ॲड. शिवानीच्या या प्रयत्नामुळे ऑटो चालकाची दैनंदिन आमदनी पुन्हा सुरू झाली. पण ऑटो चालकास जो मानसिक आणि शारीरिक त्रास झाला तसेच अधिक नुकसान भरपाई मिळण्याकरता पुढील कायदेशीर कारवाई वकील शिवानी सुरकार यांच्या माध्यमातून करण्यात येणार आहे.
ॲड. शिवानी सुरकार यांनी एका गरीब ऑटो चालकाला न्याय मिळवून दिल्यामुळे त्याच सर्वत्र अभिनंदन करण्यात येत आहे.
