✒️ आशिष अंबादे, वर्धा जिल्हा प्रतिनिधी
मोबाईल. न. 8888630841
महाराष्ट्र संदेश न्युज ! ऑनलाईन वर्धा:- येथून एक खळबळजनक माहिती समोर येत आहे. येथील एका बँकेवर सायबर चाेरट्यांनी हल्ला करून कोट्यवधी रुपयांची चोरी घेल्याचे समोर आले आहे. त्यामुळे संपूर्ण जिल्हात एकच खळबळ माजली आहे.
वर्धा येथे सायबर चाेरट्यांनी वर्धा नागरी बँकेची येस बॅंकेची युटिलीटी हॅक करुन तब्बल १ कोटी २१ लाख १६ हजार रुपयांच्या रक्कमेवर डल्ला मारला आहे. ही रक्कम विविध खात्यात परस्पर पद्धतीने वळवली गेल्याचे सांगितले जात आहे. या सायबर हल्ला प्रकरणी बॅंकेने पाेलिसांत तक्रार नाेंदवली आहे. वर्धा शहर पाेलिस घटनेचा कसून तपास करीत आहेत.
वर्धा नागरी सहकारी अधिकोष बॅंक ही वर्धा जिल्ह्याची एक नावाजलेली बॅंक असून अनेक नागरिकांची बॅंक खाती वर्धा नागरी बॅंकेत आहेत. मात्र, बॅंकेकडे एनएएफटी व आरटीजीएस व्यवहाराची सुविधा नसल्याने वर्धा नागरी बॅंकनेने येस बॅंकेशी संलग्नता घेतली आहे. येस बॅंकेतील खात्यातून वर्धा नागरी बॅंकेचे आरटीजीएस व एनएएफटी व्यवहार होत असतात.
२४ मे रोजी बुधवारी बॅंक बंद असताना पहाटे ६ ते सकाळी ८ या वेळेत येस बॅंकेची युटिलीटी सायबर चाेरट्यांनी हॅक करुन पैस लुटले. यामध्ये वर्धा नागरी बॅंकेच्या खात्यातून तब्बल १ कोटी २१ लाख १६ हजारांची रक्कम विविध खात्यात वळती केली. सकाळी बॅंक उघडल्यावर सर्व संगणक सुरु करुन तपासणी केली असता कर्मचाऱ्यांना ही बाब लक्षात आली. सायबर चाेरट्यांनी सकाळी ६.०७ ते ८.२६ मीनिटांपर्यंत एकूण २४ विविध खात्यात ही रक्कम वळती केल्याचे दिसले. मात्र, याच्या नोंदी कोअर बॅंकींग प्रणालीत दिसून आल्या नसल्याने येस बॅंकेची युटिलीटी हॅक करुन वर्धा नागरी बॅंकेच्या खात्यातील रक्कम सायबर चाेरट्यांनी वळती केल्याचे समजले.
या ऑनलाईन चोरी प्रकरणी बॅंकेचे मुख्य कार्यकारी अधिकारी कांचन अनिल केळकर यांनी याबाबतची तक्रार वर्धा शहर पोलिसात नोंदविली. पोलिसांनी गुन्हा दाखल केला असून पुढील तपास सायबर सेलच्या माध्यमातून केला जात आहे.
आपल्या परिसरातील बातम्या करीता आजच संपर्क करा. प्रशांत जगताप संपादक 9766445348-7385445348
