संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपुर:- शहरातून एक खळबजनक घटना समोर येत आहे. एका युवकाने एका तरुणीशी शारीरिक संबंध प्रस्थापित करून तिची अश्लील चित्रफित तयार करून राहणाऱ्या परिसरातील वस्तीतील व्हॉट्सअप ग्रूपवर ती चित्रफित व्हायरल केली.
राहत असलेल्या परिसरात ही चित्रफित व्हायरल झाल्याने मोठ्या प्रमाणात बदनामी झाल्याने चिडलेल्या तरुणीच्या भावाने बहिणीच्या प्रियकराची निर्घृण हत्या केली. ही थरारक घटना गिट्टीखदान येथे मंगळवारी भरदुपारी घडली. कपील डोंगरे वय 37 वर्ष गंगानगर, गिट्टीखदान असे हत्या करण्यात आलेल्या व्यक्तीचे नाव आहे.
कपील डोंगरे हा अविवाहित असताना त्याचे वस्तीतील एका युवतीसोबत प्रेमसंबंध होते. दोघांनी लग्न करण्याचे ठरविले होते. मात्र, दोघांच्याही कुटुंबियांचा विरोध होता. त्यामुळे त्यांचे लग्न होऊ शकले नाही. दरम्यान, त्या युवतीचे दुसऱ्या एका तरुणासोबत लग्न झाले. कपिलनेही बालाघाटमधील तरुणीशी लग्न केले. दोघांचाही संसार चांगला सुरु होता. दरम्यान कपीलने गिट्टीखदानमध्ये मोबाईल शॉप टाकले होते. गेल्या काही दिवसांपूर्वी कपील हा रायपूरला गेला. तेव्हा त्याने विवाहित प्रेमिकेला फोन केला. तिला भेटायला एका हॉटेलमध्ये बोलावले. तेथे त्यांनी शारीरिक संबंध प्रस्थापित केले. त्यावेळी कपीलने शरिरसंबंधाची क्लीप बनविली.
काही दिवसांपूर्वी कपील सोबत दुसऱ्याच तरुणीचे नको त्या अवस्थेत मोबाईलमध्ये फोटो दिसल्याने कपिलची पत्नी संतापली. त्यावरून पती-पत्नीत खटके उडू लागले. कपिलकडून नंबर घेऊन पत्नीने त्या तरुणीला फोन लावून तिची खरडपट्टी काढली. कपीलच्याही कुटुंबियांना त्याच्या विवाहबाह्य संबंधाची माहिती देऊन मोठा वाद घातला. दरम्यान, नातेवाईकांनी तिची समजूत घालून प्रकरण शांत करण्याचा प्रयत्न केला. मात्र, ती मानायला तयार नव्हती. तिने पतीच्या मोबाईलमधून प्रेमिके सोबतचे काही अश्लील छायाचित्र आणि चित्रफीती काढल्या आणि वस्तीतील ओळखीच्या व्यक्तींच्या एका व्हॉट्सअप ग्रूपवर त्या व्हायरल केल्या. त्यामुळे त्या तरुणीसोबत तिच्या कुटुंबिुयांचीही वस्तीत बदनामी झाली. हा प्रकार असह्य झाल्याने तरुणीच्या भावाने कपिलला जाब विचारला. त्यावरून त्यांच्यात वाद झाला आणि तरुणाने मंगळवारी दुपारी आधी कपिलवर लाकडी दांड्याने हल्ला चढवला नंतर त्याला दगडाने ठेचून त्याची हत्या केली.
स्वत:च पोलीस स्टेशन मध्ये पोहचला…
बहिणीच्या प्रियकराची हत्या केल्यानंतर आरोपी स्वत:च पोलीस स्टेशन मध्ये जाऊन तेथे त्याने हत्येच्या घटनेची माहिती देऊन स्वत:ला अटक करवून घेतली. दरम्यान, या घटनेमुळे गिट्टीखदानमध्ये प्रचंड थरार निर्माण झाला आहे.
