सौ. हनिशा दुधे, बल्लारपूर तालुका प्रतिनिधी
महाराष्ट्र संदेश न्युज ! ऑनलाईन चंद्रपूर:- विधानसभा क्षेत्राचे विद्यमान आमदार किशोर जोरगेवार यांनी एक महत्वपूर्ण माहिती समोर येत आहे. ते आगामी काळात 2024 मध्ये होऊ घेतलेल्या विधानसभा निवडणुकीत कोणत्यातरी पक्षाच्या झेंडा खांद्यावर घेऊन निवडणूक रिंगणात उतरणार आहे. त्यामुळे ते कोणत्या पक्षाचा झेंडा खांद्यावर घेऊन चालणार याची उत्सुकता सर्वांना लागली आहे.
या वेळी आमदार किशोर जोरगेवार यांनी सांगितले की, 2019 ची विधानसभा निवडणूक चंद्रपूर विधान सभा क्षेत्रातून अपक्ष उमेदवार म्हणून विक्रमी मताधिक्याने विजयी झालो. मात्र, आगामी 2024 ची विधानसभा निवडणूक एका राजकीय पक्षाच्या चिन्हावर लढणार, अशी माहिती अपक्ष आमदार किशोर जोरगेवार यांनी दिली. ‘तो’ पक्ष कोणता, हे त्यावेळचे राजकीय समीकरण आणि भविष्यातील स्वत:च्या राजकीय वाटचालीचा आढावा घेऊनच ठरवणार असल्याचे त्यांनी स्पष्ट केले.
आमदार जोरगेवार पुढे म्हणाले, लोकसभा निवडणूक लढण्याची माझी इच्छा नाही. आमदार म्हणून निवडून येण्याची इच्छा होती आणि भविष्यातही केवळ विधानसभेचीच निवडणूक लढणार आहे. लोकसभा मतदार संघ मोठा असतो, सध्या आपली ताकद तिथवर पोहचू शकत नाही. 2024 ची विधानसभा निवडणूक कोणत्याही एका राजकीय पक्षाच्या चिन्हावर लढवेल. हा पक्ष भाजपही असू शकतो, काँग्रेस किंवा राष्ट्रवादी काँग्रेस अथवा इतर कोणताही पक्ष असू शकतो.
आमदार जोरगेवार शिवसेनेत (शिंदे गट) जातात की भाजपमध्ये प्रवेश करतात, याबाबत राजकीय वर्तुळात चर्चा सुरू आहे. याशिवाय, आम आदमी पार्टी आणि भारत राष्ट्र समितीकडूनही आ.जोरगेवार यांना पक्षप्रवेशाचा प्रस्ताव आल्याचे त्यांनी स्वत:हा सांगितले.
