उषाताई कांबळे, सांगली शहर प्रतिनीधी
महाराष्ट्र संदेश न्युज ! ऑनलाईन सांगली:- येथून एक खळबळजनक घटना समोर आली आहे येथील रिलायन्स ज्वेलर्सवर रविवारी दुपारच्या सुमारास दिवसा ढवळ्या सशस्त्र दरोडा पडला. गोळीबार करत अख्खे दुकान लुटल्याने समोर आले आहे. त्यामुळे काही वेळ परिसरात एकच खळबळ माजली होती.
सांगली येथील मिरज रस्त्यावर रिलायन्स ज्वेलर्सचे दुकान आहे. सांगली- मिरज रस्त्यावर एक झाड रविवार दुपारी तोडण्यात येत होते. त्यामुळे हा रस्ता वाहतुकीसाठी बंद करण्यात आला होता. त्याचा फायदा घेत सहा ते सात दरोडेखोरांच्या टोळीने या दुकानात दरोडा टाकला. यावेळी दुकानातील सर्व सोने आणि हिरे लुटून नेण्यात आले. यावेळी दरोडेखोरांनी गोळीबार देखील केल्याचे देखील समोर येत आहे.
या दरोड्याची माहिती पोलिसांना प्राप्त झाल्यानंतर तडकाफडकी पोलीस घटनास्थळी दाखल झाली. दरोडेखोरांचा माग काढण्यासाठी श्वानपथकाला पाचारण करण्यात आले. परंतु, दुकानाबाहेर श्वान घुटमळले. दरोडेखोरांच्या मागावर स्थानिक गुन्हे अन्वेषणची पथके रवाना करण्यात आली आहेत.ज्वेलर्सच्या दुकानत दरोडा टाकून दरोडेखोर फसार झाले आहे. पोलीस यांच्या शोध घेत आहे.
