या कार्यक्रमाचे उदघाटन आरोग्य वैदकीय अधिकारी डॉ. सुरभी शिल्पकार यांच्या हस्ते संपन्न.
मधुकर गोंगले गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन अहेरी:- तालुक्यातील उप पोलीस स्टेशन राजाराम खां येथे पोलीस अधीक्षक नीलोत्पल, अप्पर पोलीस अधीक्षक अनुज तारे, अप्पर पोलीस अधीक्षक कुमार चिंता, अप्पर पोलीस अधीक्षक यतीन देशमुख यांच्या संकल्पनेतून तसेच उपविभागीय पोलीस अधिकारी अहेरी सुदर्शन राठोड यांच्या मार्गदर्शनाखाली “भव्य जनजागरण” मेळाव्याचे आयोजन करण्यात आले.
सदर या मेळाव्याचे अध्यक्ष म्हणून गुड्डीगूडमचे उपसरपंच प्रफुल नागुलवार उपस्थित होते. या कार्यक्रमाचे उद्घाटन म्हणून डॉ. सुरभी शिल्पकार वैद्यकीय अधिकारी राजाराम यांनी केले. या कार्यक्रमाचे प्रमुख पाहुणे म्हणून गुड्डीगुडम ग्रामपंचायतचे सरपंचां सौ. सरोजना अनिल पेंदाम, हरीश गावडे उपसरपंच देवलमरी, ओषधी निर्माता नितीन धकाते, खळूले साहेब पोलीस उपनिरीक्षक एसआरपीएफ पुणे, पोउपनि कसबेवाड प्रभारी अधिकारी, पो उप नि मसाळे, सर्व जिल्हा पोलीस, एसआरपीएफ चे अधिकारी अंमलदार ,तसेच गावातील प्रतिष्ठित नागरिक व हद्दीतील शेकडो नागरिक उपस्थित होते.
यावेळीडॉ सुरभी शिल्पकार यांनी आरोग्य याविषयी मोलाचे मार्गदर्शन करण्यात आले. तसेच गुड्डीगुडम या गावातील एका गरीब जोडप्याचे मेळाव्यात लग्न लावून देण्यात आले. त्यानंतर उपस्थित नागरिकांना विविध साहित्य वाटप करण्यात आले आहे. त्यात 12 शिलाई मशीन, 20 घमेले व 30 साड्या देऊन शासनाच्या विविध योजना विषयी वेगवेगळी माहिती दिली व आधार कार्ड अपडेट, ई श्रम कार्ड, आभा कार्ड, राशन कार्ड चे प्रस्ताव घेण्यात आले व उपस्थित असलेल्या सर्व नागरिकांना भोजन देऊन या कार्येक्रमाची सांगता करण्यात आली.
