✒️प्रविण जगताप, वर्धा उपजिल्हा प्रतिनिधी मोबा नंबर :- 9284981757
महाराष्ट्र संदेश न्युज ! ऑनलाईन वर्धा:- जिल्हातून एक दुर्दैवी घटना समोर आली आहे. येथील आचार्य विनोबा भावे ग्रामीण रुग्णालय सावंगी मेघे रुग्णालयातील कार्यरत महिला परिचारिकेचे रुग्णालयाच्या हलगर्जी कारभारामुळे जीव गेला. त्यामुळे संताप व्यक्त करण्यात येत आहे.
माजी खासदार दत्ता मेघे यांच्या आचार्य विनोबा भावे ग्रामीण रुग्णालय सावंगी मेघे येथील रुग्णालयातील महिला कर्मचारी वनिता रामप्रसाद हिवरकर रा. समता नगर वर्धा या रूग्णालयात परिचारिका या पदावर काम करित होते. काम करत असताना दी, 30 मे 2023 रोजी मंगळवार ला 1/8 या वेळात काम करित असताना. इंचार्ज यांनी वनिता हिवरकर यांना फ्युमिकेशनची बंद रूम मध्ये कीटानू मारण्याकरिता प्रक्रिया करण्यास सांगितले परंतु फ्युमिकेशन हे अति विषारी असल्यामुळे ते जाणकार डॉक्टरच्या निगराणीत मध्ये संरक्षण साधनाचा वापर करूनच केल्या जातो परंतु तिथे कर्मचाऱ्यानी वनिता हिवरकर यांना कोणतेही प्रकारची सुरक्षा साधने दिलेली नसताना त्याच्या कडून जोर जबरदस्तीने हे धोकादायक काम करून घेण्यात आले. त्यामुळे त्याच्या शरीरात हे विषारी औषध गेलेमुळे त्याची प्रकृती गंभीर झाली. त्यांना तातडीने रुग्णालयात दाखल करण्यात आले पण रुग्णालयात त्यांचं दुर्दैवी निधन झाले. अशा गंभीर आरोप मृतक महिलेचा कुटुंबाने केला.
दिनांक 30 मे 2023 रोजी मृतक वनिता हिवरकर याची डियुटी लिफ्ट वर होती परंतु त्याना तिथले कर्मचाऱ्यानी वनिता हिवरकर याना फ्यूमिकेशन करण्यास मजबूर केले व त्यातच त्याचे दुर्देवी निधन झाले. यास पुरेपूर जबाबदार रुग्णालयातील प्रशासकीय कर्मचारी आहे. सदर अपघातामध्ये आचार्य विनोबा भावे ग्रामीण रुग्णालय सावंगी मेघे याच्या वतीने पोलीस स्टेशन सावंगी मेघे यांना कळविणे व (एमलसी) करणे बंधनकारक होते परंतु अद्यापही ही कारवाही रुग्णालय प्रशासना कडून करण्यात आलेली नाही. सदर ही घटना अतिशय गंभीर स्वरूपाची व शंकेला वावं देणारी आहे.
