शैलेश ओव्हाळ पिपंरी चिंचवड प्रतिनिधी
महाराष्ट्र संदेश न्युज ! ऑनलाईन पुणे:- येथून एक खळबळजनक घटना समोर आली आहे. येथे चक्क पीएमपी ची बस चोरीला गेल्याची घटना घडली आहे. त्यामुळे पीएमपी प्रशासनात एकच खळबळ उडाली आहे.
पालखी सोहळ्यामुळे पीएमपी बस लावण्यास जागा उपलब्ध नसल्याने पीएमपी बस पूलगेट आगारात न लावता सारसबाग परिसरात लावण्यात आली. बसमध्ये चावी असल्याचे पाहून चोरट्याने चक्क बस पळवून नेली. मार्केट यार्ड परिसरात बस सोडून चोरटा पसार झाल्याची धक्कादायक घटना उघडकीस आली. चोरट्याने बसमधील पाच हजारांची बॅटरी चोरून नेल्याचे उघडकीस आले असून या प्रकरणी स्वारगेट पोलीस ठाण्यात चोरट्याविरुद्ध गुन्हा दाखल करण्यात आला आहे.
याबाबत पीएमपीच्या स्वारगेट आगारातील सुरक्षा अधिकारी सुरेश सोनवणे यांनी स्वारगेट पोलीस ठाण्यात फिर्याद दिली आहे. पीएमपीच्या स्वारगेट आगारातून धावणाऱ्या बस फेरी फेरल्यानंतर चालक लष्कर भागातील पूलगेट स्थानकात लावतात. काही बस स्वारगेट भागात लावण्यात येतात. पीएमपी बस लावण्यास जागा अपुरी पडत असल्याने बस वेगवेगळ्या ठिकाणी लावण्यात येतात. पालखी सोहळ्यामुळे लष्कर भागातील पूलगेट स्थानकात बस लावण्यास जागा उपलब्ध नसल्याने एका चालकाने रात्री बस सारसबाग परिसरातील सणस मैदान परिसरात लावली होती. चावी बसमध्ये होती. चोरट्याने बसमध्ये चावी असल्याचे पाहून मध्यरात्री बस पळवून नेली.
पीएमपी बस मार्केट यार्ड आगाराच्या परिसरात बस लावून चोरटा पसार झाला. पसार झालेल्या चोरट्याने बसमधील बॅटरी चोरून नेली. दरम्यान, बस चोरीस गेल्याचे बुधवारी दिनांक १४ जून लक्षात आल्यानंतर शोध घेण्यात आला. तेव्हा बस मार्केट यार्ड आगाराजवळ लावण्यात आल्याचे आढळून आले. चोरट्यांनी या भागातील दोन बसच्या काचाही फोडल्याचे आढळून आले आहे. पीएमपीतील सुरक्षा अधिकाऱ्यांनीनी याबाबत तक्रार दिल्यानंतर गुन्हा दाखल करण्यात आला असून, पोलीस कर्मचारी तपास करत आहेत.
कमालच चोराची. बरे बॅटरी वर निभावले. आता बसेस मधेही सी सी कॅमेरे लावावे लागतील वाटते