आकाश पांचाळ, पुणे शहर प्रतिनीधी
महाराष्ट्र संदेश न्युज ! ऑनलाईन पुणे:- येथून एक खळबळजनक माहिती समोर आली आहे. पती हा पत्नीला वेळ देत नाही म्हणून चक्क पत्नीने खळबळजनक पाऊल उचलले आहे. पण हे पाऊल तिला तुरुंगात रवानगी होण्यास भाग पाडलं आहे.
पती पत्नी मध्ये वाद हे नवीन नाही. त्यात आजच्या धावपळीच्या काळात जॉब, कुटुंबाची जबाबदारी यात माणूस पूर्णत अडकून गेला आहे त्यामुळे कधी कधी पत्नी मुलाला वेळ देऊ शकत नाही. कधी यामुळे संपूर्ण कुटुंब उद्द्वस्त होऊ शकतो असे पण अनेक घटने वरून समोर आले आहे. अशीच एक घटना पुण्यातून समोर आली आहे.
आपला पती आपल्याला वेळ देत नाही म्हणून त्याला अद्दल घडवण्यासाठी पत्नीने थेट पती ज्या कंपनीत जॉब करतो त्या कंपनीला ईमेल आयडीवरून बॉम्बने उडवून देण्याची धमकी दिली. हा ईमेल आल्यानंतर कंपनीत एकच खळबळ उडाली होती. त्यानंतर याची माहिती पोलिसांना देण्यात आली. आणि पत्नीला हा कारनामा समोर आला.
कंपनीला बॉम्बने उडवून देण्याची धमकी मिळाल्या नंतर अखेर हे प्रकरण पोलिसांत गेलं आणि चंदननगर पोलिसांनी या महिलेला अटक केलीय. महिलेने पतीला अद्दल घडवण्यासाठी पतीच्या कंपनीला त्याच्याच ईमेलवरून धमकीचा मेल केला. कारण काय तर पतीने दुसरं लग्न केलं होतं आणि तो आता तिला वेळ देत नव्हता. या धमकीनंतर पोलिसांनी तिच्या पतीला ताब्यात घेतलं आणि वेगळीच माहिती समोर आली. अखेर या महिलेला पोलिसांनी अटक केलीय.
