हनिशा दुधे, चंद्रपूर ग्रामीण जिल्हा प्रतिनिधी
महाराष्ट्र संदेश न्युज ! ऑनलाईन बल्लारपूर:- पोलीस ठाण्याच्या हद्दीत खुनाची एक खळबळजनक घटना उघडकीस आली आहे, कॅम्पसमध्ये दहशत पसरवणाऱ्या दीपक कैथवास या तरुणाला कंटाळून परिसरातील तरुणांनी त्याचे डोके दगडाने ठेचून निर्घृण हत्या केल्याची खळबळजनक घटना समोर आली आहे. ही घटना बुधवारी रात्री घडली. हत्या केल्यानंतर आरोपींनी स्वतः पोलीस ठाण्यात जाऊन आत्मसमर्पण केले. या खुनाच्या प्रकरणी पोलिसांनी चार आरोपी तरुणांना अटक करून भादवी च्या विविध कलमा अन्वये गुन्हा दाखल केला.
बल्लारपूरचे पोलीस निरीक्षक उमेश पाटील यांनी सांगितले की, 28 वर्षीय मयत दीपक कैथवास गुन्हेगार प्रवृत्तीचा आहे. याच्यावर यापूर्वीही अनेक गुन्हे दाखल आहेत, लोकांना त्रास देणे, रस्त्याने जाणाऱ्यांचे पैसे हिसकावणे, मारहाण करून दहशत पसरवणे, लहान मुलांना त्रास देणे हे त्याचे रोजचे काम होते. त्यामुळे परिसरातील नागरिकांमध्ये मोठ्या प्रमाणात दहशत निर्माण झाली होती. कॅम्पसमध्ये सर्वसामान्य नागरिक त्याला घाबरत होते.
काल रात्री ८ वाजण्याच्या सुमारास मयत दीपक याने कॅम्पसमधील राहुल निषाद आणि गौरव लीडबे या दोन तरुणांना बेदम मारहाण करून धमकावले, या घटनेची तक्रार दोन्ही तरुणांनी पोलिसात केली आहे. पोलिसांनी मृत दीपकला पोलिस ठाण्यात बोलावून पोलिसांच्या पद्धतीने समजून सांगितल होते. मात्र पोलिस स्टेशनमधून बाहेर येताच त्याने पुन्हा दोन्ही तरुणांना पकडून माझ्या विरोधात पोलिसात तक्रार केली म्हणून त्याने पुन्हा त्यांना मारहाण केली.
कॅम्पसमध्ये त्याची दहशत सतत वाढत होती, अखेर त्याच्या दहशतीला कंटाळून तरुणांनी परिसरातील नागरिकांनी संतप्त होऊन दीपक कैथवासची हत्या केली. प्रथम परिसरातील तरुणांनी दीपक कैथवास यांचा पाठलाग करून निर्जनस्थळी त्याला पकडले आणि त्याच्या डोक्यावर दगडाने अनेक वार केले त्यात त्याचा जागीच मृत्यू झाला. घटनेनंतर आरोपी तरुणांनीच पोलिस ठाण्यात आत्मसमर्पण केले. पोलिसांनी अर्जुन कैथवास, अमन कैथवास, प्रथम पाटिल और गौरव लीडबे यांना अटक केली आहे. हत्येचा गुन्हा दाखल करून पुढील तपास पोलीस निरीक्षक उमेश पाटील यांच्या मार्गदर्शना खाली सुरू केला आहे.
