रविंद्र भदर्गे, परतूर तालुका प्रतिनिधी
महाराष्ट्र संदेश न्युज ! ऑनलाईन जालना:- जिल्हातील परतूर तालुक्यातील आंबा गावातून एक खळबळजनक घटना समोर आली आहे. येत दोन दिवसापूर्वी झालेल्या भांडणाच्या कारणावरून पती पत्नीस मामा भाचे जाब विचारत असतांना चुलत्याला मारहाण करीत असल्याने पळून गेल्यावर चुलती परतूरहून आंबा गावात रस्त्याने येत असतांना पाहून पुतण्या व मामाने रस्त्यात आडवून शिवीगाळ करुन हातातील लाकडी दांड्याने डोक्यात मारुन तिची हत्या केल्याची घटना आंबा येथे घडली आहे.
या हत्येबाबत सुखदेव माणिक जाधव यांनी परतूर पोलिस स्टेशन मध्ये दिलेल्या फिर्यादीत म्हटले आहे की, दि.20 जून रोजी सकाळच्या सुमारास म्हशीचे दूध काढत असतांना पत्नीस पुतण्या कैलास मुगाजी जाधव हा घरी आला व शिवीगाळ करु लागला तेंव्हा गावातील लोकांनी भांडण सोडविले. त्यानंतर पत्नी व मंगल जाधव असे नेहमी प्रमाणे दुध दही विक्री करण्यासाठी परतुरला गेलो. परतूर येथून घरी आलो. तेंव्हा पुतण्या कैलास जाधव व त्याचा मामा बंडू असे दोघे घरी आले व म्हणाले की, तु दि 19 जून रोजी भाच्यास का शिवीगाळ केली. असे म्हणून दोघे लाकडी दांड्याने मारहाण करत असतांना घरून तळ्याकडे पळुन गेलो. साडेअकरा वाजेच्या सुमारास पत्नी परतूर येथुन दहीदूध विक्री करून घरी परत घराकडे येत असतांना आंबा गावा जवळील तळ्याजवळ असतांना पत्नीस पुतण्या कैलास मुगाजी जाधव यांनी सोबत असलेला मामा बंडु असे दोघांनी पत्नी मंगल सुखदेव जाधव वय 45 वर्षे रा.आंबा हिस रस्त्यात आडवून शिवीगाळ करुन कैलास जाधव याने त्याचे हातातील लाकडी दांड्याने डोक्यात मारुन गंभीर जखमी केल्याने पत्नी मंगल जाधव हीस मारून टाकले. या प्रकरणी मृतक महिलेच्या पतीच्या फिर्यादी वरुन पुतण्या कैलास जाधव व मामा बंडू यांच्या विरुद्ध हत्येचा गुन्हा दाखल करण्यात आला. आरोपीला परतूर पोलिसांनी अटक केली आहे.
