राज शिर्के मुंबई (पवई) प्रतिनिधी
महाराष्ट्र संदेश न्युज ! ऑनलाईन मुंबई:- संपूर्ण मुंबईत खळबळ उडवून देणारी घटना साकीनाका परिसरातून समोर येत आहे. ऑटो रिक्षातून जात असताना प्रियकर आणि प्रेमिका मध्ये वाद झाला. हा वाद इतका विकोपाला गेला की, प्रियकराने धावत्या ऑटो रिक्षातच आपल्या प्रेमीकेचा धारधार शस्त्राने गळा चिरला आणि नंतर त्याच धारदार शस्त्राने स्वतःलाही संपवण्याचा प्रयत्न केला.
ही खळबळजनक घटना साकीनाका पोलीस स्टेशनच्या हद्दीतील दत्त नगरमधील खैरानी रोडवर घडली. पंचशीला जमादार वय 30 वर्ष असे मृत महिलेचे नाव आहे. प्रियकराने केलेल्या हल्ल्यात 30 वर्षीय प्रेयसी पंचशीला जमादार यांचा जागीच मृत्यू झाला. ही घटना सोमवारी दुपारच्या सुमारास घडलेल्या घटनेने परिसरात खळबळ माजली आहे. घटनेनंतर आरोपी फरार झाला होता. मात्र पोलिसांनी तात्काळ तपासाची चक्रे फिरवत त्याला बेड्या ठोकल्या आहे. दीपक बोरसे असं अटक केलेल्या आरोपीचं नाव आहे.
पोलिसांनी दिलेल्या माहितीनुसार, हत्या करण्यात आलेल्या 30 वर्षीय विवाहित पंचशीला आपल्या पतीसोबत पटत नसल्याने ती संघर्षनगर येथे आपल्या आईकडे राहत होती. मृतक पंचशीलाला एक मुलगा आणि एक मुलगी अशी दोन अपत्ये आहेत. आरोपी दीपक बोरसे यांच्या सोबत पंचशीलाचे प्रेमसंबंध होते. सोमवारी सायंकाळी 4 वाजताच्या सुमारास आरोपी दीपक आणि त्याची प्रेमिका मृतक पंचशीला साकीनाका परिसरातील खैरानी रोड येथून एका रिक्षातून जात होते. रिक्षातच त्यांच्यात काही कारणावरून वाद झाला. हा वाद इतका विकोपाला गेला की, दीपकने महिलेच्या गळ्यावर चाकूने सपासप वार केले. या हल्ल्यात पंचशीलाचा जागीच मृत्यू झाला.
काही समजायच्या आतच चालत्या रिक्षात त्याने दिपकने धारदार शस्त्राने तिचा गळा चिरला. सुटकेसाठी तिने प्रयत्न करत होती. मात्र, थोडे अंतर गेल्यावर ती खाली पडली. यानंतर दीपक बोरसे याने त्याच धारदार शस्त्राने स्वतःवर वार करुन आत्महत्या करण्याचा प्रयत्न केला. याची माहिती पोलिसांना देण्यात आली. साकीनाका पोलीस घटनास्थळी दाखल झाले. व दोघांनाही जवळच्या रुग्णालयात नेले असता महिलेला मृत घोषित करण्यात आले. आरोपीवर उपचार करण्यात आले.
