सावनेर येथे आर्थिकदृष्ट्या दुर्बल, गरजू व होतकरू विद्यार्थ्यांना शालेय उपयोगी साहित्य वाटप.

अनिल अडकिने सावनेर तालुका प्रतिनिधी मो. नं.-9822724136

महाराष्ट्र संदेश न्युज ! ऑनलाईन सावनेर, 22 जुन:- आर्थिकदृष्ट्या दुर्बल,गरजू व होतकरू विद्यार्थ्यांना शालेय उपयोगी साहित्य वाटप करण्याचा कार्यक्रम धनुज फाऊंडेशन नागपुर तर्फे गोमुख विद्यालय व श्रीराम विद्यालय या दोन्ही शाळेचा संयुक्त कार्यक्रम गोमुख विद्यालय, नांदागोमुख येथे संपन्न झाला. या कार्यक्रमाच्या अध्यक्षस्थानी सौ. ज्योतीताई मोवाडे सरपंच नांदागोमुख, प्रमुख पाहुणे गोविंदराव ठाकरे, पंचायत समिती सदस्य सावनेर, प्रमुख उपस्थिती विवेक मोवाडे माजी सरपंच नांदागोमुख, खरबडे सर मुख्याध्यापक गोमुख विद्यालय मोरेश्वर जिवतोडे अध्यक्ष धनुज फाऊंडेशन, अविनाश ताजने सचिव, पुरुषोत्तम काळे जेष्ट सदस्य, गणेशजी ताजने सहसचिव, चंद्रशेखर चांदेकर समन्वयक, तसेच दोन्ही शाळेचे शिक्षक,कर्मचारी वृंद,पालक व विद्यार्थी बंधू/भगिनी प्रामुख्याने उपस्थित होते.

यावेळी मान्यवरांच्या हस्ते आर्थिक दृष्ट्या दुर्बल गरजू व होतकरू विद्यार्थ्यांना शालेय उपयोगी साहित्य वितरित करण्यात आले. या कार्यक्रमाचे सूत्रसंचालन चंद्रशेखर चांदेकर यांनी केले. प्रास्ताविक मोरेश्वरजी जिवतोडे तर आभार गणेश ताजने यांनी मानले.